柬埔寨商业部部长慰问一线工作人员及安保人员

លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម ជួបសំណេះសំណាល និងសួរសុខទុក្ខដល់កម្មករ បុគ្គលិកអនាម័យ និងកងកម្លាំងប៉ូលីសការពារសន្តិសុខសណ្តាប់ធ្នាប់ ប្រចាំក្រសួងពាណិជ្ជកម្ម ក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរ … (ភ្នំពេញ)៖ នាព្រឹកថ្ងៃអង្គារ ទី៧ ខែមេសា ឆ្នាំ២០២៦ នៅទីស្ដីការក្រសួងពាណិជ្ជកម្ម លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានអញ្ជើញជួបសំណេះសំណាល និងសួរសុខទុក្ខដល់បងប្អូនកម្មករ បុគ្គលិកអនាម័យ និងកងកម្លាំងប៉ូលីសសន្តិសុខការពារ ដែលកំពុងបម្រើការងារនៅទីស្ដីការក្រសួងពាណិជ្ជកម្ម ក្នុងឱកាសនៃពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំមមី អដ្ឋស័ក្តិ ពុទ្ធសករាជ ២៥៦៩ ដែលនឹងខិតជិតចូលមកដល់នាថ្ងៃខាងមុខនេះ។ ក្នុងឱកាសនោះ លោកជំទាវរដ្ឋមន្ត្រី បានសម្ដែងនូវសេចក្ដីនឹករលឹក និងការយកចិត្តទុកដាក់ចំពោះការចូលរួមបំពេញការងារយ៉ាងសកម្មពីបងប្អូនមន្ត្រីរាជការ កម្មករ បុគ្គលិកអនាម័យ និងកងកម្លាំងប៉ូលីសការពារសន្តិសុខសណ្តាប់ធ្នាប់ប្រចាំក្រសួងពាណិជ្ជកម្មទាំងអស់ រហូតក្រសួងសម្រេចបាននូវសមិទ្ធផលការងារជាច្រើនគួរជាទីមោទនៈ ជាពិសេសការរក្សាបាននូវសុខសុវត្ថិភាព អនាម័យ និងបរិស្ថានការងារល្អក្នុងក្រសួងពាណិជ្ជកម្មទាំងមូល។ ជាមួយគ្នានេះ លោកជំទាវរដ្ឋមន្ត្រី ក៏បាននាំយកនូវគ្រឿងឧបភោគបរិភោគ និងថវិកាមួយចំនួន ដើម្បីឧបត្ថម្ភជូនបងប្អូនកម្មករ បុគ្គលិកអនាម័យ និងកងកម្លាំងប៉ូលីសការពារសន្តិសុខសណ្តាប់ធ្នាប់ ក្រសួងពាណិជ្ជកម្មទាំងអស់ ក្នុងឱកាសអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរនាពេលខាងមុខនេះផងដែរ៕ … ភ្ជាប់មកកាន់ក្រសួងពាណិជ្ជកម្ម តាមតំណភ្ជាប់ខាងក្រោម៖ Connect with Ministry Of Commerce: 🌐 [Facebook ](https://web.facebook.com/moc.gov.kh)🌐 [Telegram ](https://t.me/mocnewsfeed)🌐 [Website ](https://www.moc.gov.kh/)🌐 [YouTube ](https://www.youtube.com/@mocgovkhcambodia)🌐 [X (Twitter](https://twitter.com/MoCCambodia))