新闻部联合反人口贩运委员会举办防范跨境非法劳务研讨会

[来源: 柬埔寨国家电视台] [分类提示: NEWS] 标题: ក្រសួងព័ត៌មាន និងគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស រៀបចំសិក្ខាសាលាស្តីពី «វិធានការបង្ការទប់ស្កាត់អំពើជួញដូរមនុស្សគ្រប់ទម្រង់ និងទេសន្តរប្រវេសន៍» ដើម្បីលើកកម្ពស់ការយល់ដឹង ពង្រឹងការផ្សព្វផ្សាយព័ត៌មានពីការប្រយុទ្ធប្រឆាំងអំពើជួញដូរមនុស្ស និងការធ្វើទេសន្តរប្រវេសន៍ប្រកបដោយសុវត្ថិភាព និងស្របច្បាប់ ភ្នំពេញ៖ សិក្ខាសាលាស្តីពី «វិធានការបង្ការទប់ស្កាត់អំពើជួញដូរមនុស្សគ្រប់ទម្រង់ និងទេសន្តរប្រវេសន៍»រៀបចំឡើងដោយក្រសួងព័ត៌មាន សហការជាមួយ គណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស មានគោលបំណងលើកកម្ពស់ការយល់ដឹង និងការចូលរួមរបស់អ្នកសារព័ត៌មាន មន្ត្រីពាក់ព័ន្ធ និងសាធារណជន ក្នុងការបង្ការ ទប់ស្កាត់ និងប្រយុទ្ធប្រឆាំងអំពើជួញដូរមនុស្សគ្រប់ទម្រង់ ព្រមទាំងផ្សព្វផ្សាយព័ត៌មានត្រឹមត្រូវអំពីហានិភ័យនៃទេសន្តរប្រវេសន៍ខុសច្បាប់។ សិក្ខាសាលានេះបានធ្វើឡើងនៅព្រឹកថ្ងៃទី២៦ ខែឧសភា ឆ្នាំ២០២៦ នាសាលចតុម្មុខមង្គលទីស្តីការក្រសួង ក្រោមអធិបតីភាព ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន និង លោកជំទាវ ជូ ប៊ុនអេង រដ្ឋលេខាធិការ និងជាអនុប្រធានអចិន្ត្រៃយ៍ គណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស គ.ជ.ប.ជ ហើយសិក្ខាកាមចូលរួមជាថ្នាក់ដឹកនាំ មន្ត្រីជំនាញនៃក្រសួងព័ត័មាន អ្នកសារព័ត៌មាន សិល្បៈករ អ្នកផលិតមាតិកា និងភាគីពាក់ព័ន្ធ ដើម្បីពិភាក្សា ផ្លាស់ប្តូរបទពិសោធន៍ និងផ្សព្វផ្សាយអំពីហានិភ័យនៃអំពើជួញដូរមនុស្ស ដែលកំពុងកើតមានតាមរូបភាពផ្សេងៗ ជាពិសេសតាមប្រព័ន្ធបច្ចេកវិទ្យា និងការងារឆ្លងដែនខុសច្បាប់។ ថ្លែងក្នុងឱកាសនោះ ឯកឧត្តមរដ្ឋមន្ត្រី នេត្រ ភក្ត្រា បានគូសបញ្ជាក់ថា ការប្រយុទ្ធប្រឆាំងអំពើជួញដូរមនុស្ស គឺត្រូវការការចូលរួមពីគ្រប់ភាគីពាក់ព័ន្ធ ជាពិសេសប្រព័ន្ធផ្សព្វផ្សាយ ដែលមានតួនាទីសំខាន់ក្នុងការផ្សព្វផ្សាយព័ត៌មា