湄公河水位持续上涨 桔井省疏散65户受灾家庭

[来源: 柬埔寨国家电视台] [分类提示: NEWS] 标题: អាជ្ញាធរមូលដ្ឋានបង្កើនការយកចិត្តទុកដាក់ ខណៈទឹកជំនន់ទន្លេមេគង្គប៉ះពាល់ដល់គ្រួសារនានានៅខេត្តក្រចេះ ក្រចេះ៖ អាជ្ញាធរមូលដ្ឋាននៅភូមិព្រែកសណ្តាយ ឃុំព្រែកសាម៉ាន់ ស្រុកឆ្លូង ខេត្តក្រចេះ បានបង្កើនការយកចិត្តទុកដាក់ចំពោះប្រជាពលរដ្ឋដែលរងផលប៉ះពាល់ដោយទឹកជំនន់ ដោយបានជម្លៀសប្រជាពលរដ្ឋចំនួន ៦៥គ្រួសារ ក្នុងចំណោម ៧៩គ្រួសារដែលរងផលប៉ះពាល់ ទៅកាន់ទីតាំងមានសុវត្ថិភាព ខណៈកម្ពស់ទឹកទន្លេមេគង្គកំពុងបន្តកើនឡើង និងបង្កការគំរាមកំហែងដល់សហគមន៍នៅតាមដងទន្លេ។ ការជម្លៀសនេះធ្វើឡើងនៅពេលទឹកជំនន់ចាប់ផ្តើមប៉ះពាល់ដល់សហគមន៍ ខណៈមេភូមិបានឱ្យដឹងថា ស្ថានភាពមានភាពធ្ងន់ធ្ងរ ជាពិសេសក្នុងរយៈពេល ៤ ទៅ ៥ថ្ងៃកន្លងមកនេះ។ លោក ម៉ាន់ ទលស់ មេភូមិព្រែកសណ្តាយ បានឱ្យដឹងថា ភូមិនេះមានចំនួន ៥៤១គ្រួសារ មានប្រជាពលរដ្ឋសរុបប្រមាណ ២.១៨០នាក់ ក្នុងនោះស្ត្រីចំនួន ១.១២៩នាក់។ ប្រជាពលរដ្ឋភាគច្រើនរស់នៅតាមដងទន្លេ និងប្រកបរបរកសិកម្មជាចម្បង ខណៈប្រជាពលរដ្ឋមួយចំនួនតូចប្រកបរបរនេសាទ។ លោក ទលស់ បានបញ្ជាក់ថា អាជ្ញាធរបាននិងកំពុងតាមដានស្ថានភាពប្រជាពលរដ្ឋយ៉ាងជិតស្និទ្ធ ជាពិសេសអ្នកដែលរស់នៅតាមដងទន្លេ ដើម្បីបង្ការគ្រោះថ្នាក់ ខណៈកម្ពស់ទឹកកំពុងកើនឡើង និងច្រាំងទន្លេប្រឈមនឹងការបាក់ស្រុត។ លោក ទលស់ មានប្រសាសន៍ថា៖ «យើងណែនាំប្រជាពលរដ្ឋជារៀងរាល់ថ្ងៃ ដើម្បីបង្ការគ្រោះថ្នាក់ ជាពិសេសក្នុងអំឡុងពេលមានទឹកជំនន់។ នៅពេលយប់ ខ្ញុំក៏ជួយតាមដានស្ថានភាពតាមដងទន្លេផងដែរ។ នៅពេលមានបញ្ហា ខ្ញុំនឹងប្រាប់ពួកគាត់ឱ្យជម្លៀស និងផ្លាស់ទីចូលទៅខាងក្នុងភូមិ»។ លោកបានបន្តថា មកទល់ពេលនេះ មិនទាន់មានប្រជាពលរដ្ឋណាម្នាក់រងរបួសដោយសារទឹកជំនន់នៅឡើយទេ រួមទាំងកុមារផងដែរ ខណៈអាជ្ញាធរបាននិងកំពុងបន្តត្រៀមលក្ខណៈ ដើម្បីទប់ទល់នឹងស្ថានភាពដែលអាចកាន់តែធ្ងន់ធ្ងរ។ លោកបានមានប្រសាសន៍ថា៖ «ជាជំហានដំបូង យើងមានផែនការបន្ថែមខ្សាច់