发展理事会会见欧洲科技代表团 重点布局数字经济与绿色能源

ជំនួបពិភាក្សាការងារជាមួយគណៈប្រតិភូធុរកិច្ចបច្ចេកវិទ្យាអឺរ៉ុប (ទីស្តីការក្រុមប្រឹក្សាអភិវឌ្ឍន៍កម្ពុជា)៖ នារសៀលថ្ងៃទី១១ ខែមិថុនា ឆ្នាំ២០២៦ ឯកឧត្តម សួន សុផល អគ្គលេខាធិការរងគណៈកម្មាធិការវិនិយោគកម្ពុជា បានទទួលជួបពិភាក្សាការងារជាមួយគណៈប្រតិភូធុរកិច្ចអឺរ៉ុបដែលដឹកនាំដោយ លោក Martin Brisson នាយកប្រតិបត្តិនៃសភាពាណិជ្ជកម្មប្រចាំកម្ពុជា។ ជំនួបនេះរៀបចំឡើង ក្នុងគោលបំណងសិក្សាស្វែងយល់អំពីកាលានុវត្តភាពវិនិយោគក្នុងវិស័យឌីជីថល ហេដ្ឋារចនាសម្ព័ន្ធព័ត៌មានវិទ្យា ថាមពលកកើតឡើងវិញ និងការស្វែងរកដៃគូធុរកិច្ចនៅកម្ពុជា។ ជាកិច្ចចាប់ផ្ដើម ឯកឧត្តមអគ្គលេខាធិការរងបានសម្តែងនូវការស្វាគមន៍យ៉ាងកក់ក្តៅជូនចំពោះគណៈប្រតិភូដែលបានបំពេញទស្សនកិច្ចនៅកម្ពុជា ដើម្បីស្វែងយល់ពីកាលានុវត្តភាពវិនិយោគក្នុងវិស័យឌីជីថល និងស្វែងរកដៃគូដែលមានសក្ដានុពលនៅកម្ពុជា។ ឯកឧត្តមបានជម្រាបជូនអំពីលក្ខណៈពិសេសនៃរបបវិនិយោគកម្ពុជាដែលផ្តល់នូវកិច្ចសម្របសម្រួលប្រកបដោយភាពបត់បែន, ការលើកទឹកចិត្តដែលមានភាពទាក់ទាញ, និងគោលនយោបាយបើកចំហ ក្រោមច្បាប់ស្ដីពីវិនិយោគនៃព្រះរាជាណាចក្រកម្ពុជា។ បន្ថែមលើនេះ ឯកឧត្តមបានលើកឡើងអំពីយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលកម្ពុជា ក្រោមការដឹកនាំដ៏ខ្ពង់ខ្ពស់របស់ សម្តេចធិបតី នាយករដ្ឋមន្ត្រី ដែលក្នុងនោះបច្ចេកវិទ្យាឌីជីថលត្រូវបានដាក់ចេញជាអាទិភាពគន្លឹះថ្មី ដើម្បីប្រែក្លាយកម្ពុជាទៅជាសេដ្ឋកិច្ច និងសង្គមឌីជីថល ប្រកបដោយបរិយាបន្ន និងចីរភាព តាមរយៈការជំរុញការវិនិយោគលើវិស័យបច្ចេកវិទ្យាកម្រិតខ្ពស់ និងថាមពលបៃតង។ គណៈប្រតិភូបានថ្លែងអំណរគុណយ៉ាងជ្រាលជ្រៅ និងវាយតម្លៃខ្ពស់ចំពោះថ្នាក់ដឹកនាំក្រុមប្រឹក្សាអភិវឌ្ឍន៍កម្ពុជា ដែលតែងតែយកចិត្តទុកដាក់គាំទ្រ និងសម្របសម្រួលដល់វិនិយោគិន។ ជាមួយគ្នានេះ គណៈប្រតិភូបានបង្ហាញចំណាប់អារម្មណ៍អំពីការរៀបចំកម្លាំងពលកម្មដើម្បីគាំទ្រដល់ការវិនិយោគក្នុងវិស័យខាងលើ។ ជាការឆ្លើយតបឯកឧត្តមបានបញ្ជាក់ថា កម្ពុជាកំពុងយកចិត្តទុកដាក់ខ្ពស់លើការបណ្តុះបណ្តាលធនធានមនុស្ស តាមរយៈកម្មវិធីថ្នាក់ជាតិក្នុងការបណ្តុះបណ្តាលជំនាញដល់យុវជន ១,៥ លាននាក់ និងការប្រើប្រាស់មូលនិធិអភិវឌ្ឍន៍ជំនាញ (Skill Development Fund)។ ជាងនេះទៅទៀត វិនិយោគិនអាចសហការជាមួយវិទ្យាស្ថាន TVET ដើម្បីរៀបចំកម្មវិធីសិក្សាស្របតាមតម្រូវការជាក់ស្តែងផងដែរ។ ----- "Invest in Cambodia", Find us on: - Website: https://cdc.gov.kh/ - Online Investment Project Registration: https://ipm.cdc.gov.kh/landing/ - Email: [email protected] / [email protected] - Helpline: +855 99 799 579 / +855 98 799 579 🌐 Follow Us 🧭  [Website (CIB](https://cib-cdc.gov.kh/en)) | 👨‍💻 [Facebook](https://www.facebook.com/cib.cdc.cambodia/)| 💳 [Telegram](https://t.me/cib_cdc_cambodia)