柬埔寨司法部推进数字化减刑系统 提升特赦审批透明度

ឯកឧត្តមបណ្ឌិត គឹម សន្តិភាព រដ្ឋលេខាធិការក្រសួងយុត្តិធម៌ អញ្ជើញបន្តដឹកនាំកិច្ចប្រជុំពិនិត្យវឌ្ឍនភាពការងាររៀបចំប្រព័ន្ធអនុគ្រោះទោសឌីជីថល របស់អគ្គនាយកដ្ឋានកិច្ចការទោសព្រហ្មទណ្ឌនៃក្រសួងយុត្តិធម៌ ====================== រាជធានីភ្នំពេញ៖ នាព្រឹកថ្ងៃពុធ ទី២៤ ខែមិថុនា ឆ្នាំ២០២៦ ឯកឧត្តមបណ្ឌិត គឹម សន្តិភាព រដ្ឋលេខាធិការក្រសួងយុត្តិធម៌ បានអញ្ជើញបន្តដឹកនាំកិច្ចប្រជុំពិនិត្យវឌ្ឍនភាពការងាររៀបចំអនុគ្រោះទោសឌីជីថល របស់អគ្គនាយកដ្ឋានកិច្ចការទោសព្រហ្មទណ្ឌនៃក្រសួងយុត្តិធម៌ ស្របតាមទិសដៅរបស់រាជរដ្ឋាភិបាលកម្ពុជា ដែលបានដាក់ចេញនូវក្របខ័ណ្ឌគោលនយោបាយសេដ្ឋកិច្ច និងសង្គមឌីជីថលកម្ពុជា ២០២១-២០៣៥ និងគោលនយោបាយរដ្ឋាភិបាលឌីជីថលកម្ពុជា ២០២២-២០៣៥។ ការរៀបចំប្រព័ន្ធអនុគ្រោះទោសឌីជីថល ដើម្បីគ្រប់គ្រងលើកិច្ចការអនុគ្រោះទោស ធ្វើឡើងក្នុងគោលបំណងផ្តល់ភាពងាយស្រួលសម្រាប់គណៈកម្មការគ្រប់ថ្នាក់ពិនិត្យ និងវាយតម្លៃបញ្ជីឈ្មោះទណ្ឌិត ស្នើសុំបន្ធូរបន្ថយទោស និងលើកលែងទោស ក្នុងការសម្រេច បញ្ជូន រក្សាទុកទិន្នន័យ និងប្រើប្រាស់ទិន្នន័យក្នុងប្រព័ន្ធរួមទាំងនេះប្រកបដោយតម្លាភាព និងប្រសិទ្ធិភាព។ កិច្ចប្រជុំនេះ មានការអញ្ជើញចូលរួមពី ឯកឧត្តម ជាម សត្យា ប្រតិភូរាជរដ្ឋាភិបាល និងជាអគ្គនាយកនៃអគ្គនាយកដ្ឋានកិច្ចការទោសព្រហ្មទណ្ឌក្រសួងយុត្តិធម៌, ក្រុមការងារបច្ចេកទេសដើម្បីអនុវត្តការងារជម្រុញឌីជីថលូបនីយកម្ម និងលោក លោកស្រី ជាប្រធាននាយកដ្ឋានចំណុះទាំងអស់ផងដែរនៃអគ្គនាយកដ្ឋានកិច្ចការទោសព្រហ្មទណ្ឌផងដែរ។