金边森速区发生一起自杀事件 疑因情感纠纷引发

បុរសម្នាក់សម្រេចចិត្តចងកបញ្ចប់ជីវិត ក្រោយជួបវិបត្តិស្នេហាព្រោះសង្សារទៅមានអ្នកថ្មី.... ភ្នំពេញ÷ហេតុការណ៍ដ៏គួរឲ្យសោកស្តាយមួយបានកើតឡើង បង្កឲ្យមានការភ្ញាក់ផ្អើលដល់ប្រជាពលរដ្ឋ និងសមត្ថកិច្ច បន្ទាប់ពីបុរសម្នាក់ត្រូវបានប្រទះឃើញចងកសម្លាប់ខ្លួន ដើម្បីបញ្ចប់ជីវិត ដោយសង្ស័យថាបណ្តាលមកពីវិបត្តិស្នេហា ក្រោយខូចចិត្តដោយសារសង្សាររបស់ខ្លួនមានទំនាក់ទំនងជាមួយបុរសផ្សេង។ ហេតុការណ៍នេះបានកើតឡើងនៅវេលាម៉ោង ៣ និង ២៥ នាទីរសៀល ថ្ងៃទី៩ ខែមិថុនា ឆ្នាំ២០២៦ ស្ថិតក្នុងសង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។ តាមព័ត៌មានបឋមពីប្រជាពលរដ្ឋនៅកន្លែងកើតហេតុ បានឲ្យដឹងថា ជនរងគ្រោះមានសភាពសោកសៅ និងតានតឹងផ្លូវចិត្តមួយរយៈមកហើយ ដោយសារបញ្ហាស្នេហា។ លុះមកដល់ថ្ងៃកើតហេតុ ស្រាប់តែត្រូវបានគេប្រទះឃើញចងកសម្លាប់ខ្លួន ធ្វើឲ្យក្រុមគ្រួសារ និងអ្នកជិតខាងមានការសោកស្តាយយ៉ាងខ្លាំង។