一站式服务中心招考 1015人竞争41个岗位

បេក្ខជន ១,០១៥នាក់ ចាប់ផ្តើមប្រឡងប្រជែងជ្រើសរើសមន្ត្រីកិច្ចព្រមព្រៀងការងារនៅ អ.ស.ត.ម. ភ្នំពេញ​៖​ បេក្ខជនចំនួន ១,០១៥នាក់ បានចាប់ផ្តើមប្រឡងប្រជែងជ្រើសរើសមន្ត្រីកិច្ចព្រមព្រៀងការងារ នៅអង្គភាពសេវាកម្មតែមួយ (អ.ស.ត.ម.) នារសៀលថ្ងៃទី៨ ខែវិច្ឆិកានេះ នៅមណ្ឌលប្រឡងសាលាភូមិន្ទរដ្ឋបាល ក្រោមវត្តមានលោក ហ៊ុន ម៉ានី​ ប្រធានគណៈកម្មការរៀបចំការប្រឡងប្រជែង។ ការ​ប្រឡងនេះ​ នឹង​ជ្រើសរើស​មន្ត្រី​ចំនួន​ ៤១នាក់។ មុនការប្រឡងចាប់ផ្តើម នៅម៉ោង ១៤:៤៥នាទី លោក ហ៊ុន ម៉ានី បានចូលក្នុងបន្ទប់ប្រឡង ដើម្បីពិនិត្យ និងកាត់បើកកញ្ចប់វិញ្ញាសាជានិមិត្តរូប នៅចំពោះមុខបេក្ខជន អនុរក្ស និងអ្នកសង្កេតការណ៍ពាក់ព័ន្ធ។ រដ្ឋមន្ត្រី​មុខងារ​សាធារណៈ​​ បញ្ជាក់ថា វិញ្ញាសាប្រឡងត្រូវបានរៀបចំចប់នៅម៉ោង ១រសៀលនេះ ដោយរក្សាការសម្ងាត់ខ្ពស់បំផុត ហើយលោកផ្ទាល់ជាអ្នកជ្រើសរើសវិញ្ញាសាចុងក្រោយ ដើម្បីធានាតម្លាភាព និងយុត្តិធម៌ជូនបេក្ខជនទាំងអស់។ រូបភាព​៖​ ឡេង​ សុភានិត្យ #ThmeyThmey