北京举办第二届人形机器人大赛 2000+机器人参赛

រ៉ូបូតបម្រើការតាមផ្ទះជាច្រើន ត្រូវបានវិស្វករតេស្តសមត្ថភាពក្នុងផ្ទះសិប្បនិម្មិត ដើម្បីត្រៀមប្រកួត «World Humanoid Robot Games» លើកទី២ នៅក្រុងបេកាំង ចាប់ពីថ្ងៃទី២២ ខែសីហានេះ។ ព្រឹត្តិការណ៍រយៈពេល ៥ ថ្ងៃនេះ រៀបចំដោយរដ្ឋាភិបាលក្រុងបេកាំង និង អគ្គស្ថានីយវិទ្យុ និងទូរទស្សន៍មជ្ឈិមចិន (CMG) មានការចូលរួមពី ៦៦៦ ក្រុម និងរ៉ូបូត ២,០៥៦ គ្រឿង មកពី ១៦ ប្រទេស លើ ៣០ វិញ្ញាសាកីឡា-ការប្រយុទ្ធ និង ២១ វិញ្ញាសាសេណារីយ៉ូជាក់ស្តែង។ នៅពហុកីឡដ្ឋាន National Speed Skating Oval រ៉ូបូតត្រូវធ្វើតេស្តការងារផ្ទះ ដូចជា ផ្ញើសារសាររហ័ស រៀបចំឥវ៉ាន់ បោក និងបត់ខោអាវ។ ក្រុមបច្ចេកទេសបានបំពាក់កាមេរ៉ា HD លើក្បាល និងដៃរ៉ូបូត ដើម្បីប្រមូលទិន្នន័យបញ្ចូលទៅក្នុងប្រព័ន្ធ AI បង្កើនភាពជឿនលឿននៃក្បួនដោះស្រាយ។ លោក Zhang Zhizheng សហស្ថាបនិកក្រុមហ៊ុនរ៉ូបូត បញ្ជាក់ថា ក្រុមការងារបានបញ្ចូលទិន្នន័យច្រើនប្រភព និងបង្កើតប្រព័ន្ធស្វ័យសិក្សា (Lifelong learning mechanism) ឱ្យរ៉ូបូតស្វ័យអភិវឌ្ឍខ្លួនជាប្រចាំ។ តាមវិធានការប្រកួត រ៉ូបូតនីមួយៗត្រូវបំពេញភារកិច្ចក្នុងពេល ៣០ នាទី ដើម្បីតេស្តការសម្របសម្រួល ភ្នែក-ដៃ និងការសម្រេចចិត្តស្វ័យប្រវត្តិ ដែលទិន្នន័យទាំងនេះនឹងត្រូវយកទៅកំណត់ស្