皇家金边大学联合柬埔寨反腐败单位，为即将参加8月10日高中毕

សកម្មភាពរៀបចំវគ្គបំប៉នស្តីពីតួនាទី និងភារកិច្ចអ្នកអង្កេតការណ៍ស្ម័គ្រចិត្តប្រឡងសញ្ញាបត្រមធ្យមសិក្សាទុតិយភូមិ សម័យប្រឡងថ្ងៃទី១០ ខែសីហា ឆ្នាំ២០២៦ នាព្រឹកថ្ងៃអង្គារ ៦រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៤ ខែសីហា ឆ្នាំ២០២៦៖ សាកលវិទ្យាល័យភូមិន្ទភ្នំពេញ បានសហការជាមួយ អង្គភាពប្រឆាំងអំពើពុករលួយ (ACU) រៀបចំវគ្គបំប៉នស្តីពីតួនាទី និងភារកិច្ចអ្នកអង្កេតការណ៍ស្ម័គ្រចិត្ត ក្នុងការប្រឡងសញ្ញាបត្រមធ្យមសិក្សាទុតិយភូមិ សម័យប្រឡងថ្ងៃទី១០ ខែសីហា ឆ្នាំ២០២៦។ កម្មវិធីនេះប្រព្រឹត្តទៅក្រោមការដឹកនាំរបស់ លោក កៀន តាក់ សាកលវិទ្យាធិការរង តំណាងដ៏ខ្ពង់ខ្ពស់របស់ ឯកឧត្តមសាស្ត្រាចារ្យ ជេត ជាលី សាកលវិទ្យាធិការ នៃសាកលវិទ្យាល័យភូមិន្ទភ្នំពេញ ដោយមានការចូលរួមពីសមាជិក សមាជិកា អ្នកអង្កេតការណ៍ស្ម័គ្រចិត្តប្រឡងសញ្ញាបត្រមធ្យមសិក្សាទុតិយភូមិ និងអ្នកពាក់ព័ន្ធ។ វគ្គបំប៉ននេះមានគោលបំណងពង្រឹងការយល់ដឹងអំពីតួនាទី ភារកិច្ច និងក្រមសីលធម៌របស់អ្នកអង្កេតការណ៍ស្ម័គ្រចិត្ត ដើម្បីរួមចំណែកធានាឱ្យដំណើរការប្រឡងប្រព្រឹត្តទៅដោយតម្លាភាព យុត្តិធម៌ និងអនុលោមតាមបទប្បញ្ញត្តិជាធរមាន។ សាកលវិទ្យាល័យភូមិន្ទភ្នំពេញ សូមថ្លែងអំណរគុណដល់ មជ្ឈមណ្ឌលសហប្រតិបត្តិការកម្ពុជា-កូរ៉េ (CKCC) ដែលបានផ្តល់ទីតាំងសម្រាប់ការរៀបចំវគ្គបំប៉ននេះ និងបានរួមចំណែកធ្វើឱ្យកម្មវិធីប្រព្រឹត្តទៅដោយជោគជ័យ។ កម្មវិធីនេះបានប្រព្រឹត្តទៅយ៉ាងរលូន និងប្រកបដោយភាពជោគជ័យ នៅ សាលសន្និសីទ CKCC នៃសាកលវិទ្យាល័យភូមិន្ទភ្នំពេញ។ #RUPP #ACU