公务部启动内部员工福利项目 洪玛尼部长慰问产假职员

ប្រតិភូក្រសួងមុខងារសាធារណៈ បានអញ្ជើញសួរសុខទុក្ខមន្រ្តីនៃក្រសួងមុខងារសាធារណៈ ដែលកំពុងសម្រាកលំហែមាតុភាព ឯកឧត្តម នាង កែវសុវណ្ណ អនុរដ្ឋលេខាធិការ និងជាអនុប្រធានក្រុមការងារទទួលបន្ទុកអនុវត្តគម្រោងស្តីពីការគិតគូរលើសុខុមាលភាពមន្រ្តីនៃក្រសួងមុខងារសាធារណៈ និងក្រុមការងា បាននាំយកថវិកាឧបត្ថម្ភរបស់ឯកឧត្តមឧបនាយករដ្ឋមន្ត្រី ជូនភរិយារបស់ លោក សៀង សារ៉ាត់ ដែលកំពុងសម្រាលបុត្រនៅមន្ទីរពេទ្យ ជប៉ុន នៅព្រឹកថ្ងៃទី២៨ ខែមេសា ឆ្នាំ២០២៦។ គម្រោងស្តីពីការគិតគូរពីសុខមាលភាពមន្រ្តីនៃក្រសួងមុខងារសាធារណៈ (MCS.H+) គឺជាគំនិតផ្តួចផ្តើមផ្ទាល់របស់ឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ ដែលជានិច្ចកាល តែងតែយកចិត្តទុកដាក់ខ្ពស់លើសុខទុក្ខរបស់មន្រ្តីក្រោមឱវាទ តាមរយៈដោយអញ្ជើញដោយផ្ទាល់ និងចាត់បញ្ជូនសហការី ដើម្បីចុះសួរសុខទុក្ខ និងនាំយកវត្ថុអនុស្សាវរីយ៍ ឬថវិកាឧបត្ថម្ភ ដល់ថ្នាក់ដឹកនាំ និងមន្ត្រីរាជការនៃក្រសួងមុខងារសាធារណៈ៕