柬埔寨棕榈叶经文委员会召开会议 推进国家文化遗产保护

ឯកឧត្តម ឯម ច័ន្ទមករា រដ្ឋលេខាធិការក្រសួងយុត្តិធម៌ អញ្ជើចូលរួមកិច្ចប្រជុំលើកទី២ នៃគណៈកម្មាធិការសាស្ត្រាស្លឹករឹត នៅក្រសួងវប្បធម៌ និងវិចិត្រសិល្បៈ ==================== ភ្នំពេញ៖ នៅព្រឹកថ្ងៃអង្គារ៍ ទី៧ ខែកក្កដា ឆ្នាំ២០២៦ ដោយទទួលបានចាក់តាំងដ៏ខ្ពង់ខ្ពស់ពីសំណាក់ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្រ្តីក្រសួងយុត្តិធម៌ ឯកឧត្តម ឯម ច័ន្ទមករា រដ្ឋលេខាធិការក្រសួងយុត្តិធម៌ បានអញ្ជើញចូលរួមកិច្ចប្រជុំលើកទី២ នៃគណៈកម្មាធិការសាស្ត្រាស្លឹករឹត ក្រោមអធិបតីភាពដ៏ខ្ពង់ខ្ពស់លោកជំទាវបណ្ឌិសសភាចារ្យ ភឿន សុកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ. និងក៏មានការងារអញ្ជើញចូលរូមពីថ្នាក់នាំ សមាជិកនៃគណៈកម្មាធិការសាស្ត្រាស្លឹករឹត នៅទីស្តីការក្រសួង។ គណៈកម្មាធិការសាស្ត្រាស្លឹករឹត មានតួនាទីនិងភារកិច្ច យ៉ាងសំខានក្នុងការពិនិត្យសម្រេចលើគោលនយោបាយនិងផែនការយុទ្ធសាស្ត្រលើការងារប្រមូល ចងក្រង ការពារ ថែរក្សាសាស្ត្រាស្លឹករឹតទាំងអស់នៅក្នុងព្រះរាជាណាចក្រកម្ពុជា។ គណៈកម្មាធិការសាស្ត្រាស្លឹករឹត ត្រូវរៀបចំក្របខ័ណ្ឌគតិយុត្តពាក់ព័ន្ធការថែរក្សា ការការពារ និងការផ្សព្វផ្សាយសាស្ត្រាស្លឹករឹត រួចត្រួតពិនិត្យ តាមដាន និងវាយតម្លៃការអនុវត្តគោលនយោបាយនិងផែនការយុទ្ធសាស្ត្រលើការងារ ប្រមូល ចងក្រង ការពារ ថែរក្សាសាស្ត្រាស្លឹករឹតទាំងអស់នៅក្នុងព្រះរាជាណាចក្រកម្ពុជា ដោយត្រូវធ្វើការសហប្រតិបត្តិការនិងសម្របសម្រួលជាមួយភាគីពាក់ព័ន្ធទាំងអស់ ក្នុងការបញ្ជូនត្រឡប់មកព្រះរាជាណាចក្រកម្ពុជាវិញនូវសាស្ត្រាស្លឹករឹត ដឹកនាំការងារផ្សព្វផ្សាយសាស្ត្រាស្លឹករឹត។ គណៈកម្មាធិការសាស្ត្រាស្លឹករឹតមានតួនាទី និង ភារកិច្ចលើកសំណើនិងចាត់វិធានការដោះស្រាយបញ្ហាពាក់ព័ន្ធការប្រមូល ការការពារ ការថែរក្សា និងការផ្សព្វផ្សាយសាស្ត្រាស្លឹករឹតស្ថិតក្នុងសមត្ថកិច្ចរបស់ខ្លួនលើកសំណើសុំអនុសាសន៍ គោលនយោបាយ និងយុទ្ធសាស្ត្រពាក់ព័ន្ធការថែរក្សា ការការពារ និងការអភិវឌ្ឍសាស្ត្រាស្លឹករឹតពីប្រធានក្រុមប្រឹក្សាបណ្ឌិតសភាចារ្យ តាមការចាំបាច់, សិក្សារៀបចំបង្កើតបណ្ណាល័យ និង/ឬសារមន្ទីរសាស្ត្រាស្លឹករឹតសម្រាប់ជាកន្លែងអភិរក្សនិងស្រាវស្រាវ អំពីសាស្ត្រាស្លឹករឹត និងរៀបចំរបាយការណ៍ស្តីពីការប្រមូល ការគ្រប់គ្រង និងការផ្សព្វផ្សាយប្រចាំឆមាសនិងឆ្នាំ ដើម្បីដាក់ជូនប្រមុខរាជរដ្ឋាភិបាលពិនិត្យសម្រេចអនុវត្តភារកិច្ចផ្សេងទៀតតាមការប្រគល់ពីប្រមុខរាជរដ្ឋាភិបាល។