AFC官员考察维萨卡足球俱乐部主场 评估场地设施达标情况

មន្រ្តីបច្ចេកទេស AFC និង CPL ចុះពិនិត្យកីឡដ្ឋានវិសាខា លោក Jeysing Gnana Kannu Muthiah ស្នងការប្រកួតរបស់សហព័ន្ធកីឡាបាល់ទាត់ទ្វីបអាស៊ី (AFC) រួមជាមួយក្រុមការងាររបស់ក្រុមហ៊ុន ខេមបូឌានព្រីមៀរលីគ (CPL) ដឹកនាំដោយ កញ្ញា ជា ស្រីលីស ប្រធានផ្នែកអាជ្ញាបណ្ណក្លិប បានអញ្ជើញចុះត្រួតពិនិត្យកីឡដ្ឋានរបស់ក្លិបបាល់ទាត់វិសាខា។ ការចុះត្រួតពិនិត្យនេះ មានគោលបំណងវាយតម្លៃស្ថានភាពបច្ចុប្បន្នរបស់កីឡដ្ឋាន និងផ្តល់មតិកែលម្អផ្នែកបច្ចេកទេសជូនដល់ក្លិប ដើម្បីជួយឱ្យកីឡដ្ឋានបំពេញតាមស្តង់ដាររបស់សហព័ន្ធកីឡាបាល់ទាត់ទ្វីបអាស៊ី (AFC) សម្រាប់ការធ្វើជាម្ចាស់ផ្ទះការប្រកួតក្លិបកម្រិត AFC នាពេលអនាគត។ ក្នុងអំឡុងពេលនៃការចុះត្រួតពិនិត្យ លោក Jeysing បានពិនិត្យលើហេដ្ឋារចនាសម្ព័ន្ធ បរិក្ខារ សម្ភារ និងតម្រូវការប្រតិបត្តិការចាំបាច់នានារបស់កីឡដ្ឋាន ព្រមទាំងធ្វើការវាស់កម្រិតពន្លឺភ្លើងបំភ្លឺកីឡដ្ឋាន (Floodlight Lux Measurement) ដើម្បីវាយតម្លៃការអនុលោមតាមស្តង់ដារពន្លឺរបស់ AFC។ បន្ទាប់ពីការត្រួតពិនិត្យ លោកក៏បានផ្តល់អនុសាសន៍ និងមតិកែលម្អផ្នែកបច្ចេកទេសជូនដល់ក្លិប ដើម្បីបន្តអភិវឌ្ឍ និងលើកកម្ពស់គុណភាពកីឡដ្ឋានឱ្យស្របតាមលក្ខខណ្ឌ និងស្តង់ដាររបស់ AFC។