柏威夏省罗威县非法采金频发 存在严重塌方风险

សកម្មភាពធ្វើរ៉ែមាសនៅចំណុចរំដេង ត្រូវបានរាយការណ៍ថាមានជាច្រើនទីតាំង នៅស្រុករវៀង ខេត្តព្រះវិហារ ព្រះវិហារ៖ សកម្មភាពធ្វើរ៉ែមាសនៅចំណុចរំដេង ភូមិត្រពាំងទន្ទឹម ឃុំរមទម ស្រុករវៀង ខេត្តព្រះវិហារ ត្រូវបានរាយការណ៍ថា កំពុងមានសកម្មភាពនៅតាមទីតាំងជាច្រើនកន្លែង។ តាមការរាយការណ៍ ទីតាំងធ្វើរ៉ែមាសនៅតំបន់ខាងលើ មានប្រមាណពី ៨០ ទៅ ១០០កន្លែង។ ប្រភពបានលើកឡើងថា មានការជួលទីតាំងធ្វើរ៉ែមាស ដោយតម្លៃប្រមាណ ២លាន ទៅ ៣លានរៀលក្នុងមួយកន្លែងក្នុងមួយខែ។ ចំណែករណ្តៅមួយចំនួន ត្រូវបានរាយការណ៍ថា មានជម្រៅប្រមាណ ១០ ទៅ ១៥ម៉ែត្រ ដែលអាចបង្កហានិភ័យដល់អ្នកចូលធ្វើការនៅក្នុងរណ្តៅ។ ប្រភពក៏បានអះអាងថា កន្លងមកធ្លាប់មានករណីមនុស្សបាត់បង់ជីវិតពាក់ព័ន្ធនឹងការធ្លាក់ចូលក្នុងរណ្តៅជ្រៅទាំងនេះផងដែរ។ ជុំវិញសកម្មភាពធ្វើរ៉ែមាសខាងលើ មិនទាន់មានការបញ្ជាក់ជាផ្លូវការថា ទីតាំងទាំងនេះមានអាជ្ញាបណ្ណស្របច្បាប់ ឬមិនមានអាជ្ញាបណ្ណនៅឡើយទេ។ មហាជនកំពុងរង់ចាំការបំភ្លឺពី អាជ្ញាធរស្រុករវៀង និងមន្ទីររ៉ែ និងថាមពលខេត្តព្រះវិហារ ពាក់ព័ន្ធនឹងស្ថានភាពជាក់ស្តែង ការអនុញ្ញាត និងវិធានការគ្រប់គ្រងសកម្មភាពធ្វើរ៉ែមាសនៅតំបន់នេះ។ ព័ត៌មានរហ័សថ្មីៗ HOTNEWS ទទួលព័ត៌មានពីប្រជាពលរដ្ឋគ្រប់មជ្ឈដ្ឋាន https://t.me/cambodianews12 https://t.me/Cambodainew123 https://www.facebook.com/share/19G4XsyY5o/ ទំនាក់ទំនងផ្សព្វផ្សាយពានិជ្ជកម្មផ្សេងៗ 0717095001 @NGINSOKHUN