皇家金边大学信息技术工程系学生南桑娜，在全国青年演讲大赛中脱

សាកលវិទ្យាល័យភូមិន្ទភ្នំពេញ សូមអបអរសាទរដល់និស្សិត ណាន សាន់ណា ដែលបានឈានដល់វគ្គផ្តាច់ព្រ័ត្រនៃការប្រកួតប្រជែងនិយាយជាសាធារណៈក្នុងចំណោមយុវជន សាកលវិទ្យាល័យភូមិន្ទភ្នំពេញ (RUPP) សូមសម្តែងនូវការអបអរសាទរយ៉ាងកក់ក្តៅជូនចំពោះនិស្សិត ណាន សាន់ណា មកពីដេប៉ាតឺម៉ង់វិស្វកម្មបច្ចេកវិទ្យាព័ត៌មាន (Information Technology Engineering - ITE) ដែលបានជាប់វគ្គជម្រុះដំណាក់កាលទី២ និងត្រូវបានជ្រើសរើសជាបេក្ខភាពចុងក្រោយម្នាក់ក្នុងចំណោមបេក្ខជនទាំង ១០ រូប ដែលនឹងបន្តទៅកាន់វគ្គផ្តាច់ព្រ័ត្រនៃកម្មវិធីប្រកួតប្រជែងនិយាយជាសាធារណៈក្នុងចំណោមយុវជន ក្រោមប្រធានបទ៖ "តើយុវជនត្រូវត្រៀមខ្លួនយ៉ាងដូចម្តេច ដើម្បីចូលរួមសម្រេចចក្ខុវិស័យកម្ពុជា ឆ្នាំ២០៥០?" កម្មវិធីប្រកួតប្រជែងនេះមានការចូលរួមពីបេក្ខជនសរុបចំនួន ៤៦ នាក់ មកពីសាកលវិទ្យាល័យចំនួន ១៥ នៅតាមបណ្តារាជធានី និងខេត្តទូទាំងប្រទេស។ បេក្ខជនទាំងអស់បានបង្ហាញសមត្ថភាព ចំណេះដឹង ភាពច្នៃប្រឌិត និងទស្សនៈវិស័យជុំវិញការអភិវឌ្ឍប្រទេសជាតិ និងតួនាទីរបស់យុវជនក្នុងការចូលរួមសម្រេចចក្ខុវិស័យកម្ពុជា ឆ្នាំ២០៥០។ វគ្គផ្តាច់ព្រ័ត្រនៃការប្រកួតនឹងប្រព្រឹត្តទៅនៅថ្ងៃទី២៥ ខែកក្កដា ឆ្នាំ២០២៦ ចាប់ពីម៉ោង ៨:០០ ព្រឹក នៅទីស្តីការគណៈរដ្ឋមន្ត្រី។ សាកលវិទ្យាល័យភូមិន្ទភ្នំពេញ សូមកោតសរសើរចំពោះការខិតខំប្រឹងប្រែង ការតស៊ូ និងការប្តេជ្ញាចិត្តរបស់និស្សិត ណាន សាន់ណា ហើយសូមជូនពរឱ្យទទួលបានជោគជ័យ និងលទ្ធផលដ៏ត្រចះត្រចង់ក្នុងការប្រកួតវគ្គផ្តាច់ព្រ័ត្រខាងមុខនេះ។ #RUPP #ITE