新书《吴哥在记忆中》将于5月13日在暹粒吴哥植物园举行发布会

អ្នកនិពន្ធ និងតួអង្គបរទេសក្នុងសៀវភៅ«អង្គរក្នុងការចងចាំ» នឹងជួបគ្នាលើទឹកដីអង្គរ នៅថ្ងៃ១៣ ឧសភា សៀមរាប៖ ក្រុមការងារសារព័ត៌មានឌីជីថលថ្មីៗ នឹងរៀបចំពិធីសម្ពោធសៀវភៅ «អង្គរក្នុងការចងចាំ» នៅថ្ងៃទី១៣ ឧសភា នៅសួនរុក្ខជាតិអង្គរ លើទឹកដីសៀមរាប។ សហអ្នកនិពន្ធ លោក Pascal Medeville និងតួអង្គជនជាតិបរទេស លោក Andy Brouwer និងលោក Craig Dodge ក្នុងជួបគ្នានៅក្នុងពិធីសម្ពោធវណ្ណកម្មមួយនេះ។ ពិធីសម្ពោធនេះ ក៏នឹងមានការចូលរួមពីសំណាក់មន្ត្រីអាជ្ញាធរជាតិ តួអង្គក្នុងសៀវភៅ អង្គការនិងភាគីពាក់ព័ន្ធផ្សេងៗទៀត។ «អង្គរក្នុងការចងចាំ» គឺជាវណ្ណកម្មថ្មីមួយទៀត របស់ក្រុមការងារសារព័ត៌មានឌីជីថលថ្មីៗ ដែលបានសម្រិតសម្រាំងចងក្រងឡើង ដើម្បីបង្ហាញពីរឿងរ៉ាវមួយចំនួន ជុំវិញតំបន់អង្គរលើសពីប្រាសាទ។ សម្រាប់ការបញ្ជាទិញកក់មុន (Pre-Order) មានតម្លៃ២២,០០០រៀល ឬ៥.៥ដុល្លារ។ ចំណែកតម្លៃលក់ធម្មតា មានតម្លៃ២៨,០០០រៀល ឬ៧ដុល្លារ។ ចាប់ផ្ដើមទទួលការកក់មុន ចាប់ពីថ្ងៃនេះ រហូតដល់ថ្ងៃទី១៣ ឧសភា។ ចំពោះការបញ្ជាទិញចាប់ពី៥ក្បាលឡើងទៅ នឹងទទួលបានការដឹកជញ្ជូនឥតគិតថ្លៃ។ លោកអ្នកនាងអាចរកបញ្ជាទិញតាមរយៈលេខទូរសព្ទ ឬតាមរយៈតេឡេក្រាម៖ ០10 567 505 https://t.me/Hornsyna