16位少林僧侣抵达暹粒 4月30日巴戎寺上演中柬武术交流

ព្រះសង្ឃសៅលីង១៦អង្គ និមន្តដល់កម្ពុជា ដើម្បីចូលរួមសម្តែងក្បាច់គុនសៅលីង និងថៃជី នៅបរិវេណប្រាសាទបាយ័ន ប្រតិភូព្រះសង្ឃវត្តសៅលីងចំនួន ១៦អង្គ បាននិមន្តមកដល់ទឹកដីកម្ពុជា ដើម្បីត្រៀមចូលរួមសម្តែងក្នុង «មហោស្រពក្បាច់គុនចម្រុះ កម្ពុជា-ចិន» (Cambodia-China Martial Arts Performance) ដែលនឹងប្រព្រឹត្តទៅ ចាប់ពីម៉ោង៧ព្រឹក ថ្ងៃទី៣០ ខែមេសា នាបរិវេណខាងជើងប្រាសាទបាយ័ន ខេត្តសៀមរាប។ បើតាមការចុះផ្សាយរបស់ក្រសួងទេសចរណ៍ ព្រឹត្តិការណ៍នេះ នឹងនាំមកនូវការសម្តែងរួមគ្នាដ៏អស្ចារ្យ រវាងក្បាច់គុនបុរាណខ្មែរ៖ គុន ល្បុក្កតោ យុទ្ធគុនខម និងប្រដាល់គុនខ្មែរ ជាមួយក្បាច់គុនចិន៖ កុងហ្វូសៅលីង (Shaolin Kung Fu) និងថៃជី (Tai Chi)។ ក្រសួងទេសចរណ៍ រំពឹងថាព្រឹត្តិការណ៍ដ៏កម្រនឹង អាច ទាក់ ទាញភ្ញៀវជាតិ-អន្តរជាតិ ចូលរួមទស្សនាដោយផ្ទាល់ និងដោយសេរី ប្រមាណ ១ ០០០ នាក់។ រូបភាព ៖ ហ្វេសប៊ុកក្រសួងទេសចរណ៍