公共职能部假期加班阅卷 41个岗位4145人竞争

ទោះថ្ងៃឈប់សម្រាក ក៏ក្រសួងមុខងារចាប់ផ្ដើមកែសន្លឹកកិច្ចការប្រឡងជ្រើសរើសមន្ត្រីកិច្ចព្រមព្រៀងការងារភ្លាមៗមិនបង្អង់យូរ ដើម្បីប្រកាសលទ្ធផលនាថ្ងៃនេះ បើទោះបីជាថ្ងៃទី៩ ខែវិច្ឆិកា នេះ ជាថ្ងៃឈប់សម្រាកក៏ដោយ ក៏ក្រសួងមុខងារសាធារណៈនៅតែរៀបចំដំណើរការកែសន្លឹកកិច្ចការប្រឡងប្រជែងជ្រើសរើសមន្ត្រីផ្អែកលើកិច្ចព្រមព្រៀងការងារ ចូលបម្រើការងារនៅអង្គភាពសម្របសម្រួលសហគ្រាសធុនតូច និងមធ្យម  ដើម្បីអាចប្រកាសលទ្ធផលទាន់វេលាដែលបានកំណត់។  ដំណើរការកំណែសន្លឹកកិច្ចការ បានចាប់ផ្តើមអនុវត្ត នៅម៉ោង៧ព្រឹកថ្ងៃចន្ទ ទី៩ ខែវិច្ឆិកា ឆ្នាំ២០២៦ នេះ បន្ទាប់ពីដំណើរការប្រឡងប្រជែង បានបញ្ចប់ទៅដោយជោគជ័យ កាលពីម៉ោង៤ និង៣០នាទីរសៀល ថ្ងៃទី៨។ ក្រសួងមុខងារសាធារណៈ គ្រោងនឹងប្រកាសលទ្ធផលនៅល្ងាចថ្ងៃទី៩ ខែវិច្ឆិកា នេះតែម្ដង។ ការប្រឡងប្រជែងនេះ មានបេក្ខជនចំនួន ១ ០១៥នាក់ (ស្រី ៤៥៣នាក់) ចូលរួមប្រឡង គ្រាដែលតម្រូវការមន្ត្រីផ្អែកលើកិច្ចព្រមព្រៀងការងារចូលបម្រើការងារនៅអង្គភាពសម្របសម្រួលសហគ្រាសធុនតូចនិងមធ្យម គឺមានត្រឹមតែ៤១នាក់ប៉ុណ្ណោះ សម្រាប់មុខតំណែងវិជ្ជាជីវៈចំនួន២៥។