越南南部海域发生沉船事故 15名印度游客不幸遇难

មនុស្ស១៥នាក់បានស្លាប់ដោយសារក្រឡាប់ទូកល្បឿនលឿននៅវៀតណាម ============= មនុស្សចំនួន១៥នាក់បានស្លាប់ បន្ទាប់ពីទូកល្បឿនលឿន​មួយគ្រឿង ដឹកភ្ញៀវទេសចរឥណ្ឌាបានក្រឡាប់នៅ​ក្បែរ​កោះមួយ ស្ថិតនៅភាគខាងត្បូងប្រទេសវៀតណាម។ ទូក​នេះដឹកជនជាតិឥណ្ឌាចំនួន៣២នាក់និងនាវិកចំនួន៤នាក់ បានក្រឡាប់នៅចម្ងាយប្រហែល៤០០ម៉ែត្រ ពីកោះHon May Rut Ngoai ក្នុងអំឡុងពេលមានរលកបោកខ្លាំង នៅថ្ងៃទី១១ខែកក្កដាឆ្នាំ២០២៦។ បើតាមសារព័ត៌មានវៀតណាមVnExpressបានរាយការណ៍ថា ទូកទេសចរណ៍មួយចំនួនដែលនៅក្បែរនោះ បាន​ចេញអន្តរាគមន៍ជួយសង្រ្គោះភ្លាមៗដែរ ប៉ុន្តែនៅតែមិន​អាច​ជួយមនុស្សឱ្យមានសុវត្ថិភាពទាំងអស់បាន ដោយ​សារ​ការជួយសង្រ្គោះមានការលំបាក ព្រោះអ្នក​ទេសចរ​ភាគច្រើនបានជាប់នៅក្នុងទូក ដែលក្រឡាប់ផ្ងារពោះ។ ក្រោយមក ទើបបញ្ជូននាវាចំនួនពីរគ្រឿង និងមន្ត្រី និង​ទាហានចំនួន៣៥នាក់ទៅកាន់កន្លែងកើតហេតុ ដោយចូល​រួម​កិច្ចខិតខំប្រឹងប្រែងជួយសង្គ្រោះរួមជាមួយកងទ័ពជើង​ទឹក ឆ្មាំសមុទ្រ និងកងកម្លាំងពាក់ព័ន្ធផ្សេងទៀត។ ============= [**👉Facebook**](https://www.facebook.com/vayofm)** **[**👉Telegram**](https://t.me/vayofm)** **[** 👉TikTok 👉**](https://www.tiktok.com/@vayofmradio?_t=8qP0w6MsZfe&_r=1)[**YouTube **](https://www.youtube.com/@vayofm105)**👉**[**IOS 👉**](https://apps.apple.com/us/app/vayo-fm-radio/id993070474)[**Android**](https://play.google.com/store/apps/details?id=com.vayofm.bunsorng.vayoapp)