柬埔寨坚持和平外交原则 积极参与联合国维和行动

ដើម្បីឱ្យសន្តិភាពចាក់ឫសយ៉ាងជ្រៅ រឹងមាំ និងមានចីរភាព កម្ពុជាប្រកាន់ខ្ជាប់នូវការគោរពអធិបតេយ្យ និងសមភាពរវាងរដ្ឋ ការមិនប្រើប្រាស់កម្លាំង ការអនុវត្តកាតព្វកិច្ចអន្តរជាតិដោយស្មោះត្រង់ ព្រមទាំងការលើកកម្ពស់កិច្ចសហប្រតិបត្តិការ និងយន្តការពហុភាគី ដោយផ្តល់អាទិភាពដល់ការដោះស្រាយវិវាទដោយសន្តិវិធី និងអនុលោមតាមច្បាប់អន្តរជាតិ។ សន្តិភាពជាដង្ហើមរស់សម្រាប់កម្ពុជា ដែលបានផ្តល់ឱកាសឱ្យប្រទេសស្តារ និងកសាងជាតិឡើងវិញ កាត់បន្ថយភាពក្រីក្រ អភិវឌ្ឍហេដ្ឋារចនាសម្ព័ន្ធសេដ្ឋកិច្ចសង្គម និងធ្វើសមាហរណកម្មកាន់តែស៊ីជម្រៅទៅក្នុងតំបន់ និងពិភពលោក។ ក្រោមឆត្រអង្គការសហប្រជាជាតិ ចាប់តាំងពីឆ្នាំ ២០០៦មក កម្ពុជាបានបញ្ជូនកងកម្លាំងថែរក្សាសន្តិភាពសរុប ១០ ៩១២នាក់ ក្នុងនោះស្ត្រី ១ ០៨២នាក់ ទៅបំពេញបេសកកម្មនៅប្រទេសចំនួន ១០ រួមមាន ឆាដ ស៊ូដង់ ស៊ូដង់ខាងត្បូង អាហ្វ្រិកកណ្តាល លីបង់ ស៊ីប ស៊ីរី ម៉ាលី យេម៉ែន និងកុងហ្គោ។ ទោះបីប្រឈមនឹងវិបត្តិពីខាងក្រៅជាបន្តបន្ទាប់ កម្ពុជាបានបន្តរក្សាស្ថិរភាពម៉ាក្រូសេដ្ឋកិច្ច និងជំរុញការធ្វើពិពិធកម្មសេដ្ឋកិច្ច ការពង្រឹងផលិតកម្មក្នុងស្រុក ការវិនិយោគលើឡូជីស្ទិក សន្តិសុខថាមពល និងការតភ្ជាប់ហេដ្ឋារចនាសម្ព័ន្ធ។ សម្រាប់ឆ្នាំ២០២៦ សេដ្ឋកិច្ចកម្ពុជាត្រូវបានព្យាករណ៍ថានឹងកើនឡើងក្នុងរង្វង់ ៤,១%។ ទោះជាយ៉ាងណា កំណើនសេដ្ឋកិច្ចមិនមែនជាគោលដៅចុងក្រោយឡើយ។ អ្វីដែលរាជរដ្ឋាភិបាលចង់បាន គឺការធ្វើឱ្យកំណើននេះឆ្លុះបញ្ចាំងដោយផ្ទាល់ទៅលើការបង្កើតឱកាសការងារថែមទៀត ការកើនឡើងនូវប្រាក់ចំណូល ការអភិវឌ្ឍជំនាញពិតប្រាកដ ការលើកកម្ពស់គុណភាពនិងលទ្ធភាពទទួលបានសេវាសាធារណៈចាំបាច់ ព្រមទាំងការផ្តល់ទំនុកចិត្តលើអនាគតដ៏ភ្លឺស្វាងជូនប្រជាពលរដ្ឋគ្រប់រូប។ [**Join AMS One-minute**](https://t.me/ams1minute)