柬埔寨移民总局10天驱逐2278名非法外籍人员

**១០ថ្ងៃ កម្ពុជា​បណ្ដេញជនបរទេសខុសច្បាប់ជាង ២,២៧៨នាក់ ចេញពីប្រទេស** ក្នុងរយៈពេលត្រឹម ១០ថ្ងៃ ចាប់ពីថ្ងៃទី១ ដល់ថ្ងៃទី១០ ខែមិថុនា ឆ្នាំ២០២៦ អគ្គនាយកដ្ឋានអន្តោប្រវេសន៍ បានបណ្ដេញជនបរទេសសរុប ២,២៧៨នាក់ (ស្រី ២២៧នាក់) មាន ២៨សញ្ជាតិ ចេញពីព្រះរាជាណាចក្រកម្ពុជា ពាក់ព័ន្ធបទល្មើស និងការស្នាក់នៅខុសច្បាប់ផ្សេងៗ។ ក្នុងនោះ មានជនជាតិចិន ៦៣៥នាក់ និងជនជាតិវៀតណាម ១៨០នាក់ ពាក់ព័ន្ធករណីឆបោកតាមប្រព័ន្ធបច្ចេកវិទ្យា (Online Scams) ខណៈអ្នកផ្សេងទៀតជាប់ពាក់ព័ន្ធករណីលួចឆ្លងដែន ប្រើឯកសារក្លែងក្លាយ ស្នាក់នៅខុសច្បាប់ និងបទល្មើសព្រហ្មទណ្ឌផ្សេងៗ។ វិធានការនេះត្រូវបានអនុវត្តក្រោមការដឹកនាំ និងបទបញ្ជាយ៉ាងម៉ឺងម៉ាត់របស់រាជរដ្ឋាភិបាល និងក្រសួងមហាផ្ទៃ ក្នុងគោលបំណងបង្ក្រាបឧក្រិដ្ឋកម្មឆបោកតាមប្រព័ន្ធបច្ចេកវិទ្យា និងបទល្មើសឆ្លងដែនគ្រប់ប្រភេទ ដើម្បីធានាសន្តិសុខ សណ្ដាប់ធ្នាប់សាធារណៈ និងការពារប្រជាពលរដ្ឋទាំងក្នុងប្រទេស និងអន្តរជាតិ ព្រមទាំងជួយសង្គ្រោះជនរងគ្រោះដែលត្រូវបានបោកបញ្ឆោតឱ្យចូលរួមក្នុងសកម្មភាពខុសច្បាប់ទាំងនោះ៕ 📘[អានអត្ថបទពេញ](https://www.facebook.com/share/1JUf8Qsjzd/?mibextid=wwXIfr) 👉[JOIN US](http://t.me/troryorngmedia) —— Page [Troryorng News](https://www.facebook.com/TroryorngOfficial) Page [Troryorng TV](https://www.facebook.com/Yuvavey) Page [Troryorng សង្គម](https://www.facebook.com/troryorng.entertainment) Page [Troryorng Spots](https://www.facebook.com/troryorngsports) [www.troryorng.com](https://troryorng.com/)