新加坡女子澄清失踪传闻 称自愿来柬任教

**[WATCH] ** យុវតីហិង្ហបុរី Aishah ឆ្លើយតបនឹងសារព័ត៌មានអន្តរជាតិថា « នាងខ្ញុំឈ្មោះ អៃសា (Aishah) ភេទស្រី អាយុ ២០ ឆ្នាំ។ នាងខ្ញុំចង់ចែករំលែកព័ត៌មានមួយចំនួនទៅកាន់ប្រភពព័ត៌មានជាតិ និងអន្តរជាតិទាំងអស់។ កាលពីពេលថ្មីៗនេះ ឪពុកម្តាយរបស់នាងខ្ញុំមានការព្រួយបារម្ភអំពីការមកដល់ប្រទេសកម្ពុជារបស់នាងខ្ញុំ ហើយពួកគាត់បានរាយការណ៍ទៅកាន់បណ្តាញព័ត៌មាន បណ្តាញសង្គម និងប៉ូលីស អំពីការបាត់ខ្លួនរបស់នាងខ្ញុំ។ ដូច្នេះ នាងខ្ញុំចង់ធ្វើការបកស្រាយនូវចំណុចមួយចំនួន។ ជាដំបូង លក្ខខណ្ឌនៃការរស់នៅរបស់នាងខ្ញុំនៅប្រទេសសិង្ហបុរី គឺមានភាពតានតឹងខ្លាំងសម្រាប់នាងខ្ញុំ ដូច្នេះនាងខ្ញុំចង់ស្វែងរកផ្លូវដើរដោយខ្លួនឯង។ នោះហើយជាមូលហេតុដែលនៅថ្ងៃទី ២០ ខែកក្កដា នាងខ្ញុំបានសម្រេចចិត្តចាកចេញដោយខ្លួនឯង ហើយមកកាន់ប្រទេសកម្ពុជា ដើម្បីធ្វើជាគ្រូបង្រៀនភាសាអង់គ្លេស។ ផ្អែកលើការសម្រេចចិត្តចាកចេញពីគ្រួសារនៅសិង្ហបុរី ហើយមកកាន់ប្រទេសកម្ពុជានេះ គឺជារឿងស្ម័គ្រចិត្តរបស់នាងខ្ញុំទាំងស្រុង។ នាងខ្ញុំមិនត្រូវបានគេបង្ខិតបង្ខំឲ្យមកទីនេះទេ ហើយក៏មិនត្រូវបានគេបោកប្រាស់ឲ្យមកទីនេះដែរ។ វាគឺជាការសម្រេចចិត្ត និងជាការគិតគូរផ្ទាល់ខ្លួនរបស់នាងខ្ញុំទាំងស្រុង។