柬埔寨青年联合会实居省分会慰问患病基层教育工作者

#ស្មារតីសាមគ្គីភាពនិងការយកចិត្តទុកដាក់លើសុខទុក្ខសមាជិក ​នារសៀលថ្ងៃព្រហស្បតិ៍ ទី២៥ ខែមិថុនា ឆ្នាំ២០២៦ នេះ លោក ឡៃ សារ៉ាវុធ ប្រធានសហភាពសហព័ន្ធយុវជនកម្ពុជា ស្រុកសាមគ្គីមុនីជ័យ ព្រមទាំងសហការី និងក្រុមការងារ ស.ស.យ.ក. ឃុំភ្នំតូច បានអញ្ជើញចុះសួរសុខទុក្ខដោយផ្ទាល់ និងនាំយកថវិកាឧបត្ថម្ភចំនួន ៦៦៣,០០០ រៀល ជូនដល់ លោកគ្រូ សុវណ្ណ គីរី សមាជិក ស.ស.យ.ក. ស្រុក និងជានាយកសាលាអនុវិទ្យាល័យវត្តភ្នំ ដែលបច្ចុប្បន្នកំពុងសម្រាកព្យាបាលជំងឺនៅគេហដ្ឋាន។ ​សកម្មភាពចុះសួរសុខទុក្ខនេះ ធ្វើឡើងនៅភូមិវត្តភ្នំ ឃុំភ្នំតូច ស្រុកសាមគ្គីមុនីជ័យ ខេត្តកំពង់ស្ពឺ ដើម្បីបង្ហាញពីមនោសញ្ចេតនាស្រឡាញ់រាប់អាន ភាពស្និទ្ធស្នាល និងជាការលើកទឹកចិត្តយ៉ាងកក់ក្តៅ ក្នុងស្មារតី «យុវជនម្នាក់ជួយយុវជនម្នាក់» និង «គ្រួសារ ស.ស.យ.ក. តែមួយ»។ ​ក្នុងឱកាសដ៏មានអត្ថន័យនោះ លោកប្រធាន និងក្រុមការងារទាំងអស់ ក៏បានសម្តែងនូវការសោកស្តាយ និងបានជូនពរជ័យសូមឱ្យលោកគ្រូនាយក មានសុខភាពល្អប្រសើរឡើងវិញជាលំដាប់ ក្នុងពេលឆាប់ៗខាងមុខនេះ ដើម្បីបន្តបេសកកម្មដឹកនាំ និងអភិវឌ្ឍវិស័យអប់រំនៅក្នុងមូលដ្ឋានបន្តទៀត។