卫生部代表团赴印度考察医疗服务体系

កម្មវិធី «Cambodia-India Country Exchange Program» នៅទីក្រុងមុំបៃ និងទីក្រុង Pune នៃសាធារណៈរដ្ឋឥណ្ឌា។ —— សាធារណៈរដ្ឋឥណ្ឌា៖ ពីថ្ងៃចន្ទ ទី៣១ ខែសីហា ដល់ថ្ងៃសុក្រ​ ទី៤ ខែកញ្ញា ឆ្នាំ២០២៦ ឯកឧត្តម ហុក ខៀវ ទីប្រឹក្សា​ និងជាប្រធាននាយកដ្ឋាន​នីតិកម្ម និងប្រតិភូក្រសួងសុខាភិបាល បានអញ្ជើញចូលរួមក្នុងកម្មវិធី «Cambodia-India Country Exchange Program» នៅទីក្រុងមុំបៃ និងទីក្រុង Pune នៃសាធារណៈរដ្ឋឥណ្ឌា។ ក្នុងដំណើរទស្សនៈកិច្ចនេះ ក្រុមប្រតិភូកម្ពុជាបានស្វែងយល់ និងចែករំលែកការងារក្នុងវិស័យសុខាភិបាលដូចជា ការពង្រឹងការផ្តល់សេវាសុខាភិបាលបឋម ការពារទប់ស្កាត់ និងការផ្តល់សេវាជំងឺមិនឆ្លង ការរៀបចំការផ្តល់សេវាចម្រុះ សម្រាប់ជនរងគ្រោះដោយអំពើហិង្សា ប្រព័ន្ធអាត្រានុកូលដ្ឋាន ការចុះបញ្ជីកំណើតរស់ ការចុះបញ្ជីមរណភាព ការប្រមូល និងការប្រើប្រាស់ទិន្នន័យមរណភាព។ ដំណើរទស្សនៈកិច្ចនេះ ពិតជាមានសារៈសំខាន់ណាស់សម្រាប់ក្រុមការងារ ដើម្បីរៀនសូត្រ និងស្វែងយល់ការបម្រើសេវាសុខាភិបាល ការប្រើប្រាស់ទិន្នន័យសម្រាប់ការសម្រេចចិត្ត។ ក្នុងទស្សនៈកិច្ចសិក្សាផ្លាស់ប្តូរបទពិសោធន៍ការងារក្នុងវិស័យសុខាភិបាលនៅប្រទេសឥណ្ឌានេះ គាំទ្រដោយអង្គការ Vital Strategies ដែលមានសមាសភាពពីនាយកដ្ឋានផែនការនិងព័ត៌មានសុខាភិបាល នាយកដ្ឋានការពារសុខភាព វិទ្យាស្ថានជាតិសុខភាពសាធារណៈ និងអង្គការ Vital Strategies ។ **🌐**[Website](https://moh.gov.kh/kh/home) 📱[Facebook](https://www.facebook.com/MinistryofHealthofCambodia?mibextid=ZbWKwL) 📱[Telegram](https://t.me/MOHCambodia) 📱[X (twitter)](https://x.com/MohCambodia) 📱[Tiktok](https://www.tiktok.com/@mohcambodia) 📱[YouTube](https://www.youtube.com/@MOHCambodia)