西港省长考察亿航智能eVTOL技术 探索空中出租车应用

[来源: 柬埔寨国家电视台] [分类提示: NEWS] 标题: ដំណើរទស្សនកិច្ចបច្ចេកវិទ្យាយន្តហោះគ្មានមនុស្សបើក៖ គណៈប្រតិភូខេត្តព្រះសីហនុ ចុះស្វែងយល់ពីឧបករណ៍ eVTOL របស់ក្រុមហ៊ុន EHang (ក្វាងចូវ, ចិន)៖ នារសៀលថ្ងៃទី៣១ ខែឧសភា ឆ្នាំ២០២៦ ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ បានអញ្ជើញដឹកនាំគណៈប្រតិភូទៅបំពេញទស្សនកិច្ចនៅក្រុមហ៊ុន EHang Going Global ដែលមានទីតាំងស្ថិតនៅទីក្រុងក្វាងចូវ ខេត្តក្វាងតុង ប្រទេសចិន។ ក្រុមហ៊ុន EHang Going Global គឺជាក្រុមហ៊ុនបច្ចេកវិទ្យាឈានមុខគេមួយនៅលើពិភពលោក ផ្នែកផលិតឧបករណ៍ហោះហើរដោយស្វ័យប្រវត្តគ្មានមនុស្សបើក (Autonomous Aerial Vehicle – AAV) ដែលត្រូវបានគេស្គាល់ជាទូទៅថា «តាក់ស៊ីហោះ» (Flying Taxi) ឬ eVTOL (electric Vertical Take-Off and Landing) ដែលជាបច្ចេកវិទ្យាយានយន្តហោះហើរឡើង និងចុះចតក្នុងលក្ខណៈបញ្ឈរដោយប្រើប្រាស់ថាមពលអគ្គិសនី។ ការធ្វើទស្សនកិច្ចរបស់គណៈប្រតិភូខេត្តព្រះសីហនុនាពេលនេះ គឺជាឱកាសដ៏សំខាន់មួយក្នុងការស្វែងយល់ពីការវិវត្តនៃបច្ចេកវិទ្យាដឹកជញ្ជូនផ្លូវអាកាសដ៏ទំនើប និងស្វែងរកកាលានុវត្តភាពថ្មីៗសម្រាប់យកមកអភិវឌ្ឍន៍ក្នុងខេត្តព្រះសីហនុ ឆ្លើយតបទៅនឹងចក្ខុវិស័យនៃការកសាងទីក្រុងវៃឆ្លាត (Smart City) នាពេលអនាគត៕ អត្ថបទ៖ ម៉ារ៉ាឌី 作者: ដាលីស 分类: ព័ត៌មានជាតិ