国家庭外纠纷解决局柏威夏省代表处正式启用

អាជ្ញាធរជាតិដោះស្រាយវិវាទក្រៅប្រព័ន្ធតុលាការ បានរៀបចំពិធីប្រកាសដាក់ឲ្យដំណើរការជាផ្លូវការនូវការិយាល័យតំណាង អ.ដ.ក.​ ប្រចាំខេត្តព្រះវិហារ ============== ខេត្តព្រះវិហារ÷ ថ្ងៃអង្គារ ២រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២ ខែមិថុនា ឆ្នាំ២០២៦ ឯកឧត្តមបណ្ឌិត ជិន ម៉ាលីន រដ្ឋលេខាធិការប្រចាំការនៃក្រសួងយុត្តិធម៌ និងជាអនុប្រធានប្រចាំការនៃ អ.ដ.ក. តំណាងដ៏ខ្ពង់ខ្ពស់ ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធាន អ.ដ.ក.  បានអញ្ជើញជាអធិបតីក្នុងពិធីប្រកាសដាក់ឲ្យដំណើរការជាផ្លូវការនូវការិយាល័យតំណាង អ.ដ.ក.​ ប្រចាំខេត្តព្រះវិហារ។ ពិធីនេះ ក៏មានការអញ្ជើញចូលរួមជាគណៈអធិបតីពីសំណាក់ថ្នាក់ដឹកនាំ​ សមាជិក និងអគ្គលេខាធិការដ្ឋាននៃ អ.ដ.ក., ឯកឧត្តម​ប្រធានក្រុមប្រឹក្សាខេត្ត, ឯកឧត្តម​អភិបាលខេត្ត, ឯកឧត្តម​ប្រធានសាលាដំបូង និងព្រះរាជអាជ្ញាអមសាលាដំបូងខេត្ត,​ លោកស្នងការនគរបាលខេត្ត, មេបញ្ជាការកងរាជអាវុធហត្ថខេត្ត និងដោយមានការចូលរួមពី អង្គការសង្គមស៊ីវិល និងដៃគូអភិវឌ្ឍន៍, ប្រជាពលរដ្ឋ មន្ត្រីរាជការនៃមន្ទីរ-អង្គភាពពាក់ព័ន្ធជុំវិញខេត្ត និងប្រជាពលរដ្ឋក្នុងខេត្តព្រះវិហារ សរុបប្រមាណជា​ ២៨០ នាក់។ ការដាក់ឱ្យដំណើរការជាផ្លូវការនូវការិយាល័យតំណាង​អាជ្ញាធរជាតិដោះស្រាយវិវាទក្រៅប្រព័ន្ធតុលាការប្រចាំខេត្តព្រះវិហារ​ ដែលជាការិយាល័យតំណាង​ ទី៥​ របស់​ អ.ដ.ក.​ នាពេលនេះ គឺជាបោះជំហានថ្មីមួយបន្ថែមទៀតរបស់ អ.ដ.ក. ក្នុងការធ្វើឱ្យប្រសើរទ្បើងនៃការផ្តល់សេវាដោះស្រាយវិវាទ សម្រាប់ប្រជាពលរដ្ឋរស់នៅតំបន់ជនជាតិដើមភាគតិច និងតំបន់ដាច់ស្រយាល និងប្រជាពលរដ្ឋងាយរងគ្រោះ ដែលនេះនឹងជួយគាំទ្រដល់ការអនុវត្តគោល​នយោបាយលើកកម្ពស់សិទ្ធិទទួលបានយុតិ្តធម៌ ស្របតាមចក្ខុវិស័យ​ដ៏ត្រឹមត្រូវនៃការកែទម្រង់ប្រព័ន្ធយុតិ្តធម៌នៃរាជរដ្ឋាភិបាលកម្ពុជា នីតិកាលទី៧ នៃរដ្ឋសភា ក្រោមការដឹកនាំដ៏ខ្ពង់ខ្ពស់របស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ។ សូមបញ្ជាក់ជូនថា ការិយាល័យតំណាង អ.ដ.ក. នេះ នឹងដើរតួនាទីជាបណ្តាញការងារ​របស់ អ.ដ.ក.  និងមានសមត្ថកិច្ចសំខាន់ៗ ចំនួន ៣ គឺ (ទី១)-  ទទួលពាក្យបណ្តឹងពីប្រជាពលរដ្ឋ ដែលស្នើសុំផ្សះផ្សាវិវាទ, (ទី២)- ធ្វើការសម្រុះ​សម្រួលដោះស្រាយវិវាទ និង (ទី៣)- សហការជាមួយរដ្ឋបាលថ្នាក់ក្រោមជាតិ ដើម្បីផ្សព្វ​ផ្សាយអំពីយន្តការដោះស្រាយវិវាទរបស់ អ.ដ.ក. និងបណ្តុះបណ្តាលជំនាញនៃការដោះស្រាយវិវាទជូនដល់មន្ត្រីនៅថ្នាក់ក្រោមជាតិ។ ————————— ☎️ លេខទូរស័ព្ទ Telephone : +855 93 98 33 58 | 099 98 33 58 [ ](https://www.youtube.com/channel/UCNPTgP5FDOSdDbDJ2DAgYjg)🌐[ វេបសាយ Website](https://nadr.gov.kh/) | 🌐[ ហ្វេសប៊ុក Facebook](https://web.facebook.com/nadrcambodia) 🌐 [តេឡេក្រាម Telegram](https://t.me/nadrcambodia) |📍[ ទីតាំង Location](https://maps.app.goo.gl/b8EFDqtNviaPYsCo7) 📱 [យូធូប Youtube](https://www.youtube.com/channel/UCNPTgP5FDOSdDbDJ2DAgYjg) | 📱 [តិកតុក Tiktok](https://www.tiktok.com/@nadrcambodia?_t=ZS-8upu5OdpQAR)