Odyssey邮轮驶离西港 50名游客滞留

នាវាទេសចរណ៍Odysseyបានចាកចេញពីកម្ពុជាហើយដោយបន្សល់ទុកភ្ញៀវទេសចរប្រមាណ៥០នាក់ ============= នាវាទេសចរណ៍អន្តរជាតិ The Villa Vie Odyssey បានធ្វើដំណើរចាកចេញពីប្រទេសកម្ពុជាហើយកាលពីយប់ថ្ងៃទី៣ ខែវិច្ឆិកា ឆ្នាំ២០២៦ ប៉ុន្តែភ្ញៀវទេសចរប្រមាណ៥០នាក់ក្នុងចំណោមភ្ញៀវសរុបជាង២០០នាក់ កំពុងបន្តស្នាក់នៅក្នុងប្រទេសកម្ពុជានៅឡើយ។ ប្រាប់វិទ្យុវាយោនៅថ្ងៃទី៣ ខែវិច្ឆិកាម្សិលមិញ លោក តាំង សុចិត្តគ្រឹស្នា ប្រធានមន្ទីរទេសចរណ៍ខេត្តព្រះសីហនុបានឱ្យដឹងថា ភ្ញៀវទេសចរប្រមាណ១០០នាក់ក្នុងចំណោមជាង២០០នាក់ដែលចុះពីនាវា The Villa Vie Odyssey ត្រូវបានអាជ្ញាធរខេត្តជួយសម្របសម្រួល។ ក្នុងនោះ មាន៥០នាក់បានចាកចេញទៅប្រទេសកំណើតវិញ និង៥០នាក់ទៀតកំពុងបន្តស្នាក់នៅប្រទេសកម្ពុជា។ តាមការបង្ហើបឱ្យដឹងពីលោក តាំង សុចិត្តគ្រឹស្នា អ្នកទេសចរដែលនៅសល់ចំនួន៥០នាក់នេះ អ្នកខ្លះនឹងបន្តស្នាក់នៅកម្ពុជារហូតដល់ថ្ងៃសុក្រចុងសប្តាហ៍នេះ និងអ្នកខ្លះទៀតអាចបន្តស្នាក់នៅរហូតដល់៣ខែ ឬឈានដល់ឆ្នាំទៀតផងប្រសិនបើពួកគាត់ពេញចិត្ត។ ============= [🌐អានព័ត៌មាន](https://vayofm.com/news/detail/146134-271.html) [**👉Facebook**](https://www.facebook.com/vayofm) [**👉Telegram**](https://t.me/vayofm)** ** [**👉TikTok**](https://www.tiktok.com/@vayofmradio?_t=8qP0w6MsZfe&_r=1) [**👉**](https://www.tiktok.com/@vayofmradio?_t=8qP0w6MsZfe&_r=1)[**YouTube**](https://www.youtube.com/@vayofm105) **👉**[**IOS**](https://apps.apple.com/us/app/vayo-fm-radio/id993070474) [**👉**](https://apps.apple.com/us/app/vayo-fm-radio/id993070474)[**Android**](https://play.google.com/store/apps/details?id=com.vayofm.bunsorng.vayoapp)