莫尼列太后获颁奥拉夫贝登堡协会冠军奖 留学生致贺

សារលិខិតថ្វាយព្រះពរ សូមក្រាបបង្គំទូលថ្វាយ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតុខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ព្រះប្រធានកិត្តិយស នៃសមាគមកាយឫទ្ធិនារីកម្ពុជា។ ក្នុងព្រះរាជឱកាសដ៏សោមនស្សរីករាយឥតឧបមា ដែលសហគមន៍ The Olave Baden-Powell Society (OB-PS) បានថ្វាយនូវពានសមាជិកភាពកិត្តិយសជើងឯក “Champions Award” ជូនចំពោះព្រះអង្គ ក្នុងឱកាសនៃមហាសន្និបាតកាយឫទ្ធិនារីពិភពលោកលើកទី៣៩ និងកិច្ចប្រជុំប្រចាំឆ្នាំលើកទី៤២ របស់សហគមន៍ The Olave Baden-Powell Society។ ក្នុងឱកាសដ៏មហានក្ខត្តឫក្សនេះ ទូលព្រះបង្គំជាខ្ញុំទាំងអស់គ្នា សូមព្រះបរមរាជានុញ្ញាតក្រាបបង្គំទូលថ្វាយនូវព្រះពរជ័យសិរីមង្គលដ៏បវរមហាប្រសើរ សូមព្រះអង្គទ្រង់ប្រកបដោយព្រះរាជសុខភាពល្អបរិបូរណ៍ ព្រះកាយពលមាំមួន ព្រះបញ្ញាញាណភ្លឺថ្លា និងព្រះជន្មាយុយឺនយូរ ដើម្បីគង់ជាម្លប់ដ៏ត្រជាក់ត្រជុំ និងជាទីគោរពសក្ការៈដ៏ខ្ពង់ខ្ពស់បំផុតរបស់ប្រជារាស្ត្រខ្មែរជានិច្ចនិរន្តរ៍។ សូមក្រាបបង្គំទូលថ្វាយពី ថ្នាក់ដឹកនាំ និងគណៈកម្មការប្រតិបត្តិ នៃសហព័ន្ធនិស្សិតកម្ពុជានៅបរទេស សមាគមជាសមាជិក យុវទូតសុឆន្ទៈ នាយកកម្មវិធី និងសិស្ស និស្សិតកម្ពុជាដែលកំពុងសិក្សានៅបរទេសទាំងអស់។