洪玛奈出席中小企业日活动 强调国产替代与经济自主

ប្រសាសន៍សំខាន់ៗ សម្តេចធិបតី ហ៊ុន ម៉ាណែត​​ អញ្ជើញជាអធិបតី “ពិធីសំណេះសំណាលមហាគ្រួសារសហគ្រាសធុនតូច មធ្យម និងសិប្បកម្មកម្ពុជា ក្នុងឱកាសអបអរសាទរទិវាសហគ្រាសធុនមីក្រូតូច និងមធ្យម”។ ១. កម្ពុជានឹងចាកចេញពីប្រទេសអភិវឌ្ឍន៍តិចតួច និងខិតខំពង្រឹងខ្លួនថែមទៀត ដើម្បីឈានទៅកាន់ប្រទេសអភិវឌ្ឍន៍នាពេលអនាគត ហើយមហិច្ឆតានេះ គឺទាមទារឱ្យមានការរួបរួមគ្នាជាធ្លុងមួយរបស់ប្រជាជាតិកម្ពុជា។ [ស្តាប់](https://t.me/politico360KH/36224) ២. រាជរដ្ឋាភិបាល ចាត់ទុកវិស័យឯកជន គឺជាក្បាលម៉ាស៊ីន នៃកំណើនសេដ្ឋកិច្ចជាតិ ហើយសហគ្រាសធុនមីក្រូ តូច និងមធ្យម គឺជាឆ្អឹងខ្នង នៃកំណើនសេដ្ឋកិច្ចជាតិ។ [ស្តាប់](https://t.me/politico360KH/36225) ៣. ភាពច្បាស់លាស់ ស្មោះត្រង់ ការទទួលខុសត្រូវ គុណភាព និងតម្លៃ គឺត្រូវដើរទន្ទឹមគ្នា។ [ស្តាប់](https://t.me/politico360KH/36226) ៤.​ រាជរដ្ឋាភិបាល បាន និងកំពុងខិតខំជួយដល់វិស័យឯកជន ដើម្បីធ្វើឱ្យសមត្ថភាពផ្គត់ផ្គង់ក្នុងស្រុក និងការគាំទ្រមានស្ថិរភាពយូរអង្វែង ដើម្បីជំនួសឱ្យការនាំចូល។ [ស្តាប់](https://t.me/politico360KH/36227) ៥. ពេលមានបញ្ហាប្រឈមយើងមានជម្រើសពីរ គឺជម្រើសទីមួយ ដេកដួល និងជម្រើសទីពីរ ប្រឈមជាមួយបញ្ហាផ្ទាល់តែម្តង។ យើងបានជ្រើសយកជម្រើស ប្រឈមជាមួយនឹងបញ្ហា ហើយពង្រឹងខ្លួនឯងដើម្បីដោះស្រាយបញ្ហា។ [ស្តាប់](https://t.me/politico360KH/36228) ៦. ផ្ទះដែលបានសាងសង់សម្រាប់ពលរដ្ឋភៀសសឹកស្នាក់នៅ បណ្ដោះអាសន្ន គឺសាងសង់ឡើងដោយប្រើថវិការបស់ជាតិ របស់កម្ពុជាសុទ្ធសាធតែម្ដង មិនមែនសាងសង់ឡើងដោយប្រើថវិការបស់ UN និងប្រទេសនានាដែលបានជួយមកកម្ពុជា ដូចការលើកឡើងរបស់ជនអគតិមួយចំនួនតូចដែលថា UN និងប្រទេសនានាបានផ្ដល់ជំនួយចំនួនហាសិបលានដុល្លារ សម្រាប់ជួយដល់ការសាងសង់ផ្ទះសម្រាប់ពលរដ្ឋភៀសសឹកស្នាក់នៅនោះឡើយ។ [ស្តាប់](https://t.me/politico360KH/36230) ៧. ឥឡូវនេះសារព័ត៌មានអន្តរជាតិជាច្រើន រួមទាំងប្រទេសនានាផងនោះ បានទទួលស្គាល់ថា ត្រឹមរយៈពេល ៥ ខែកម្ពុជាបានកម្ទេចសម្បុក Online Scams បានយ៉ាងល្អ។ [ស្តាប់](https://t.me/politico360KH/36231) ៨. រាជរដ្ឋាភិបាលមិនបានបោះបង់កិច្ចការងារទាមទារទឹកដីស្របច្បាប់នោះឡើយ គឺបាន និងកំពុងខិតខំធ្វើកិច្ចការងារនេះដោយសន្តិវិធី តាមរយៈយន្តការអន្តរជាតិ បញ្ចៀសការប៉ះទង្គិចគ្នាដោយកម្លាំងប្រដាប់អាវុធ ដែលវានឹងបង្កើតបរិស្ថានប៉ះពាល់ដល់សេដ្ឋកិច្ច និងប្រជាពលរដ្ឋ។ [ស្តាប់](https://t.me/politico360KH/36232) ៩. បច្ចុប្បន្នកម្ពុជាប្រឹងដោះស្រាយបញ្ហាសង្គ្រាមធំៗចំនួន ៣ ក្នុងនោះទី១ គឺសង្គ្រាម ដើម្បីការពារកេរ្តិ៍ឈ្មោះកម្ពុជា ពាក់ព័ន្ធនឹង Online Scams ដែលប្រទេសជាច្រើនបានពាក់ព័ន្ធ តែកម្ពុជារងគ្រោះជាងគេ, ទី២ គឺសង្គ្រាមឈ្លានពានបូរណភាពទឹកដីពីប្រទេសថៃ និង ទី៣ គឺសង្គ្រាមសេដ្ឋកិច្ចពិភពលោក។ [ស្តាប់](https://t.me/politico360KH/36233) ១០. ពិភពលោកមានការប្រែប្រួល ប៉ុន្តែអ្វីដែលយើងត្រូវគិត គឺត្រូវពង្រឹងភាពធន់របស់យើង។ [ស្តាប់](https://t.me/politico360KH/36234) ១១. សូមអ្នកលក់ទាំងឡាយ កុំយកផលិតផលដែលនឹងបណ្ដាលឱ្យប៉ះពាល់ដល់សុខភាពអ្នកប្រើប្រាស់មកដាក់លក់លើទីផ្សារ។ [ស្តាប់](https://t.me/politico360KH/36235) ១២. គ្មានប្រទេសណាមួយមានកត្តាវិជ្ជមានទាំងអស់ ឬអវិជ្ជមានទាំងអស់ទេ ប៉ុន្តែកិច្ចការសំខាន់គឺយើងរួមគ្នាកាត់បន្ថយកត្តាអវិជ្ជមានរបស់យើង។ [ស្តាប់](https://t.me/politico360KH/36236) ១៣. រាជរដ្ឋាភិបាលដែលដឹកនាំដោយគណបក្សប្រជាជន ទាំងអាណត្តិមុនៗ និងបន្តទៅមុខ គឺយើងនៅតែផ្តល់អាទិភាពដល់វិស័យឯកជន ជាពិសេស ការជួយដល់វិស័យ​MSME។ [ស្តាប់](https://t.me/politico360KH/36237) ១៤. ប្រទេសកម្ពុជា ជាសមាជិកអង្គការពាណិជ្ជពិភពលោក (WTO) យើងមិនអាចហាមឃាត់ការនាំចូលទំនិញពីប្រទេសដទៃបានទេ ដូច្នេះដើម្បីពង្រឹងខ្លួនឯង គឺត្រូវតែខិតខំធ្វើឱ្យផលិតផលក្នុងស្រុកប្រកបដោយគុណភាព។ [ស្តាប់](https://t.me/politico360KH/36238) ១៥. បើចង់ឱ្យមានការគាំទ្រពីពលរដ្ឋចំពោះផលិតផលដែលផលិតក្នុងប្រទេសជានិរន្តរ៍នោះ ក្រុមផលិតករត្រូវពង្រឹងគុណភាព និងផលិតផលមានតម្លៃសមរម្យ។ [ស្តាប់](https://t.me/politico360KH/36239) រាជធានីភ្នំពេញ ២៧ មិថុនា ២០២៦ **#STPM**** ****@Politico360KH** 🌐** **[**YouTube**](https://youtube.com/@politico360?si=_lhDqdqSo1G4Dth5) **🌐**** **[**TikTok**](https://www.tiktok.com/@politico360khmer?is_from_webapp=1&sender_device=pc) **🌐**** **[**Facebook**](https://www.facebook.com/KHPolitico360?mibextid=2JQ9oc)