柬埔寨卫生部近日举行研讨会，正式审议并认可了关于女性

សិក្ខាសាលាពិនិត្យ ចុងក្រោយ និងផ្តល់ការឯកភាពជាផ្លូវការ លើសេចក្តីព្រាងឯកសារស្តីពី ផែនទីបង្ហាញផ្លូវយុទ្ធសាស្ត្រ ឆ្ពោះទៅការបង្កើតផែនការសកម្មភាពជាតិ ស្តីពីស្ត្រី សន្តិភាព និងសន្តិសុខ (NAP-WPS) លើកដំបូង របស់កម្ពុជា។ —— រាជធានីភ្នំពេញ៖ ថ្ងៃពុធ ទី២០ ខែសីហា ឆ្នាំ២០២៦ លោកជំទាវវេជ្ជបណ្ឌិត ប៉ែន រិកស៊ី រដ្ឋលេខាធិការ និងជាប្រធានក្រុមការងារបញ្ជ្រាបយេនឌ័រ (GMAG) នៃក្រសួងសុខាភិបាល បានអញ្ជើញចូលរួមសិក្ខាសាលាពិនិត្យ ចុងក្រោយ និងផ្តល់ការឯកភាពជាផ្លូវការលើសេចក្តីព្រាងឯកសារស្តីពី ផែនទីបង្ហាញផ្លូវយុទ្ធសាស្ត្រ ឆ្ពោះទៅការបង្កើតផែនការសកម្មភាពជាតិ ស្តីពីស្ត្រី សន្តិភាព និងសន្តិសុខ (NAP-WPS) លើកដំបូង របស់កម្ពុជា ក្រោមអធិបតីភាព លោកជំទាវកិត្តិបណ្ឌិត អ៊ឹង កន្ថាផាវី រដ្ឋមន្ត្រីក្រសួងកិច្ចការនារី នៅសណ្ឋាគារកាំបូឌីយ៉ាណា រាជធានីភ្នំពេញ។ គោលបំណងរួមនៃសិក្ខាសាលា ដើម្បីប្រមូលធាតុចូលចុងក្រោយ និងផ្ទៀងផ្ទាត់ផែនទីបង្ហាញផ្លូវយុទ្ធសាស្ត្រ សម្រាប់ផែនការសកម្មភាពជាតិស្តីពីស្ត្រី សន្តិភាព និងសន្តិសុខ (NAP-WPS) របស់កម្ពុជា និងដើម្បីជំរុញមាគ៌ាច្បាស់លាស់ ភាពស៊ី សង្វាក់គ្នា និងភាពជាម្ចាស់ការនៅកម្រិតថ្នាក់ជាតិ ដើម្បីឆ្ពោះទៅរកការរៀបចំសេចក្តីព្រាងផែនការសកម្មភាពជាតិ ស្តីពីស្ត្រី សន្តិភាព និងសន្តិសុខ និងការអភិវឌ្ឍជាបន្តបន្ទាប់។ គួរបញ្ជាក់ផងដែរថាបសិក្ខាសាលានេះមានសមាភាពចូលរួមប្រមាណ ១០០នាក់ មកពីក្រសួងកិច្ចការនារី និងក្រសួង ស្ថាប័ន ពាក់ព័ន្ធ។ **🌐**[Website](https://moh.gov.kh/kh/home) 📱[Facebook](https://www.facebook.com/MinistryofHealthofCambodia?mibextid=ZbWKwL) 📱[Telegram](https://t.me/MOHCambodia) 📱[X (twitter)](https://x.com/MohCambodia) 📱[Tiktok](https://www.tiktok.com/@mohcambodia) 📱[YouTube](https://www.youtube.com/@MOHCambodia)