柬埔寨司法部召开刑法修正案会议 讨论缓刑及居家监禁

ឯកឧត្តម ណាន់ ចាន់រឿន អនុប្រធានក្រុមការងារបច្ចេកទេសទទួលបន្ទុករៀបចំការធ្វើវិសោធនកម្មក្រមព្រហ្មទណ្ឌ អញ្ជើញដឹកនាំកិច្ចប្រជុំពិនិត្យ និងពិភាក្សាលើការធ្វើវិសោធនកម្មក្រមព្រហ្មទណ្ឌ ==================== នៅទីស្ដីការក្រសួងយុត្តិធម៌៖ នារសៀលថ្ងៃសុក្រ ៧រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៨ ខែឧសភា ឆ្នាំ២០២៦, ឯកឧត្តម ណាន់ ចាន់រឿន ជាអនុប្រធាននៃក្រុមការងារបច្ចេកទេសទទួលបន្ទុករៀបចំធ្វើវិសោធនកម្មក្រមព្រហ្មទណ្ឌ បានអញ្ជើញដឹកនាំកិច្ចប្រជុំលើកទី៣៨ របស់ក្រុមការងារបច្ចេកទេស ដោយមានការចូលរួមពីសំណាក់ ឯកឧត្តម លោកជំទាវ លោក លោកស្រី ដែលជាអនុប្រធាន និងសមាជិក សមាជិកានៃក្រុមការងារ។ កិច្ចប្រជុំបានបន្តពិនិត្យកែសម្រួលរចនាសម្ព័ន្ធនៃមាតិកាទី៣ ស្តីពីទោស ព្រមទាំងពិភាក្សា និងកែសម្រួលបទប្បញ្ញត្តិពាក់ព័ន្ធនឹង រយៈពេលនៃការព្យួរទោសសាកល្បង ការបូកបញ្ចូលគ្នានៃទោសពិន័យជាប្រាក់ករណីបទល្មើសត្រួតគ្នា និងលក្ខខណ្ឌនៃរបបឃុំខ្លួនក្នុងលំនៅឋាន។