公务部启动国土规划建设部公务员普查 规范行政数据

គណៈកម្មការធ្វើបច្ចុប្បន្នភាពរចនាសម្ព័ន្ធ និងជំរឿនមន្ត្រីជាក់ស្តែង បន្តជំរុញការងារត្រៀមចុះជំរឿននៅក្រសួងរៀបចំដែនដី នគរូបនីយកម្ម និងសំណង់ សំដៅធានាភាពច្បាស់លាស់នៃទិន្នន័យមន្ត្រីរាជការ ដើម្បីឱ្យដំណើរការនៃការធ្វើជំរឿនមន្ត្រីជាក់ស្តែងប្រព្រឹត្តទៅបានដោយរលូន ទាន់ពេលវេលា និងអនុវត្តស្របតាមស្មារតីនៃសារាចររបស់រាជរដ្ឋាភិបាល នារសៀលថ្ងៃទី២៦ ខែឧសភា ឆ្នាំ២០២៦ គណៈកម្មការធ្វើបច្ចុប្បន្នភាពរចនាសម្ព័ន្ធ និងជំរឿនមន្ត្រីជាក់ស្តែង ដឹកនាំដោយ ឯកឧត្តម សុខ សង្វារ រដ្ឋលេខាធិការក្រសួងមុខងារសាធារណៈ និងជាប្រធានក្រុមការងារចុះជំរឿន បានជួបប្រជុំពិភាក្សាជាមួយ ឯកឧត្តម តឹករ៉េត សំរេច រដ្ឋលេខាធិការប្រចាំការក្រសួងរៀបចំដែនដី នគរូបនីយកម្ម និងសំណង់ ដើម្បីប្រជុំពិនិត្យពិភាក្សាការងារត្រៀមចុះធ្វើជំរឿនមន្ត្រីជាក់ស្តែង នាពេលខាងមុខ។ កិច្ចប្រជុំនេះរៀបចំឡើងនៅទីស្តីការក្រសួងរៀបចំដែនដី នគរូបនីយកម្ម និងសំណង់ ដោយមានការអញ្ជើញចូលរួមពីថ្នាក់ដឹកនាំ និងមន្ត្រីជំនាញនៃគណៈកម្មការជំរឿនទាំង២ក្រសួង ស្ថាប័ន។ 📲 [អានព័ត៌មានលម្អិតនៅលើបណ្ដាញសង្គម](https://www.facebook.com/share/p/1EhMpZVNdU/) 👉 តំណភ្ជាប់ទៅកាន់គេហទំព័រ និងបណ្តាញសង្គម 🌐 | [Website](https://www.mcs.gov.kh/)[ 🌐 ](https://youtube.com/@MinistryofCivilService)|[ Facebook  🌐 ](https://web.facebook.com/CivilServiceCambodia)|[ Instagram    🌐 ](https://www.instagram.com/civilservice_cambodia?igsh=MWRrZWIwamh4ZW9uZA==)|[ Tiktok 🌐 ](https://www.tiktok.com/@mcsgovernment?)|[ Telegram  🌐 ](http://t.me/mcsgovkh)|[ YouTube](https://youtube.com/@MinistryofCivilService)