国家就业与人力资源局(NEA)联合干拉省斯昂县政府举办招聘会，汇集多家工厂及企业

NEA និងរដ្ឋបាលឃុំក្រាំងយ៉ូវ បានរៀបចំវេទិកាការងារ និងនាំយកឱកាសការងារជាង ៣០០០កន្លែង ជូនប្រជាពលរដ្ឋដល់មូលដ្ឋាន ទីភ្នាក់ងារជាតិមុខរបរ និងការងារ (NEA) នៃក្រសួងការងារនិងបណ្តុះបណ្តាលវិជ្ជាជីវៈ សហការជាមួយរដ្ឋបាលឃុំក្រាំងយ៉ូវ ស្រុកស្អាង ខេត្តកណ្ដាល និងមានការគាំទ្រពីអង្គការការីសតាសកម្ពុជា បានរៀបចំ “វេទិកាការងារ និងការផ្សព្វផ្សាយឱកាសការងារ” ដើម្បីនាំយកព័ត៌មានទីផ្សារការងារ ឱកាសការងារ និងឱកាសបណ្ដុះបណ្ដាលវិជ្ជាជីវៈទៅដល់ប្រជាពលរដ្ឋ និងយុវជននៅមូលដ្ឋានផ្ទាល់។ កម្មវិធីនេះ មានការចូលរួមពីតំណាង NEA វិទ្យាស្ថានជាតិពហុបច្ចេកទេសតេជោសែន ខេត្តកណ្ដាល សាខា ប.ស.ស ខេត្តកណ្ដាល CGTI តំណាងសហគ្រាស រោងចក្រ ៗ និងគ្រឹះស្ថានជាច្រើន ដែលកំពុងមានតម្រូវការជ្រើសរើសបុគ្គលិក។ 👉យុវជន និងអ្នកកំពុងស្វែងរកការងារ ដែលចាប់អារម្មណ៍ចង់ដាក់ពាក្យស្នើសុំការងារជាមួយក្រុមហ៊ុននានា សូមទាក់ទងមក NEA តាមរយៈលេខ ០៧៧ ២៣២ ៣៧៨ និងតេលេក្រាម ០១៦ ៧៨៦ ៦៥៥ ឬ គេហទំព័រ www.nea.gov.kh និងទំព័រ Facebook (neakhmer)៕