马德望省三隆县发布洪水预警 居民需防范水位上涨

រដ្ឋបាលស្រុកសំឡូត ខេត្តបាត់ដំបង បានជូនដំណឹងដល់បងប្អូនប្រជាពលរដ្ឋដែលរស់នៅតាមដងស្ទឹង អូរ និងប្រឡាយ ក្នុងភូមិសាស្ត្រស្រុកសំឡូត ឲ្យបង្កើនការប្រុងប្រយ័ត្នឱ្យបានខ្ពស់ ដើម្បីការពារសុវត្ថិភាពមនុស្សចាស់ កុមារ និងទ្រព្យសម្បត្តិ ព្រមទាំងសម្ភារៈផ្សេងៗ។ មូលហេតុ ដោយសារស្ថានភាពអាកាសធាតុនៅតែបន្តមានភ្លៀងធ្លាក់ជាបន្តបន្ទាប់ ធ្វើឱ្យទឹកនៅតាមបណ្តាអូរតូចៗចាប់ផ្តើមហក់ឡើងខ្លាំង។ ចំណែកទឹកនៅស្ទឹងក្រញូង និងស្ទឹងបរឡាង បច្ចុប្បន្នបានឡើងតិចតួចនៅឡើយ។ នេះបើតាមរដ្ឋបាលស្រុកសំឡូត ថ្ងៃទី៤ កក្កដា ២០២៦។