内政部调查磅湛省太阳能灯采购虚高案

ក្រសួងមហាផ្ទៃ ចាត់វិធានការលើភាពមិនប្រក្រតី នៃគម្រោងទិញអំពូលសូឡា នៅខេត្តកំពង់ឆ្នាំង អគ្គនាយកដ្ឋានរដ្ឋបាល ក្រសួងមហាផ្ទៃ បានចេញសេចក្តីប្រកាសព័ត៌មាន បន្ទាប់ពីមានការរិះគន់លើបណ្តាញសង្គមពាក់ព័ន្ធនឹងភាពមិនប្រក្រតី នៃការរៀបចំនិងអនុវត្តគម្រោងមូលនិធិឃុំទឹកហូត ស្រុករលាប្អៀរ ខេត្តកំពង់ឆ្នាំង ដែលបានទិញបង្គោលនិងអំពូលសូឡាក្នុងតម្លៃរហូតដល់ ៨.០០០.០០០រៀល ក្នុង១ដើម ដែលជាតម្លៃខ្ពស់ហួសពីទីផ្សារ។ ផ្អែកលើការចុះស៊ើបអង្កេតរបស់មន្ត្រីជំនាញ អគ្គនាយកដ្ឋានរដ្ឋបាល បានរកឃើញភាពមិនប្រក្រតីក្នុងការអនុវត្តគម្រោងមូលនិធិឃុំចំនួន៥ នៅក្នុងខេត្តកំពង់ឆ្នាំងផងដែរ។ ជាការឆ្លើយតប ក្រសួងមហាផ្ទៃ បានណែនាំទៅរដ្ឋបាលខេត្តកំពង់ឆ្នាំង ឱ្យចាត់វិធានការវិន័យយ៉ាងម៉ឺងម៉ាត់បំផុតលើមន្ត្រីពាក់ព័ន្ធទាំងឡាយណាដែលបានគប់គិតគ្នាធ្វើខុសច្បាប់ និងនីតិវិធីដែលបានកំណត់។ ជាមួយគ្នានេះ ក្រសួងក៏បានថ្លែងអំណរគុណដល់សាធារណជនដែលបានចូលរួមតាមដាន និងវាយតម្លៃលើកិច្ចការអភិវឌ្ឍន៍មូលដ្ឋាន ដែលកត្តានេះបានរួមចំណែកយ៉ាងសំខាន់ក្នុងការលើកកម្ពស់តម្លាភាព គណនេយ្យភាព និងប្រសិទ្ធភាពនៃការបម្រើប្រជាពលរដ្ឋ៕