司法部公务员选拔考试开考 洪玛尼强调透明度

**ការប្រឡងប្រជែងជ្រើសរើសមន្ត្រីរាជការក្នុងក្របខ័ណ្ឌក្រសួងយុត្តិធម៌ចាប់ផ្តើម! វេលាម៉ោង ៨:០០ព្រឹកនេះ កណ្ដឹងប្រឡងបានបន្លឺឡើងជាផ្លូវការនៅមណ្ឌលសាលាភូមិន្ទរដ្ឋបាល សម្រាប់ការប្រឡងប្រជែងជ្រើសរើសមន្ត្រីរាជការ ចូលបម្រើការងារក្នុងក្របខ័ណ្ឌក្រសួងយុត្តិធម៌ ប្រកបដោយសណ្តាប់ធ្នាប់ខ្ពស់បំផុត។ ក្នុងឱកាសដ៏សំខាន់នេះ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានគណៈកម្មការរៀបចំការប្រឡងប្រជែង បានអញ្ជើញកាត់បើកកញ្ចប់វិញ្ញាសាជានិមិត្តរូប ដើម្បីធានាភាពស្អាតស្អំ និងតម្លាភាពពេញលេញ ស្របតាមគោលការណ៍ «ជាប់ដោយមោទនភាព ធ្លាក់ដោយអស់ចិត្ត»។ ពិធីនេះប្រព្រឹត្តទៅយ៉ាងសុក្រឹត ដោយមានការចូលរួមដឹងឮពីតំណាងក្រសួងយុត្តិធម៌ ក្រសួងសេដ្ឋកិច្ចនិងហិរញ្ញវត្ថុ អង្គភាពប្រឆាំងអំពើពុករលួយ (ACU) ព្រមទាំងអ្នកសង្កេតការណ៍ និងបណ្តាញសារព័ត៌មានយ៉ាងច្រើនរូប។ ក្រោយការចែកវិញ្ញាសា បរិយាកាសក្នុងបន្ទប់ប្រឡងប្រែជាស្ងប់ស្ងាត់ និងមានរបៀបរៀបរយជាទីបំផុត។ បេក្ខជនគ្រប់រូបបានប្រមូលអារម្មណ៍ បញ្ចេញសមត្ថភាពពិតនៅលើសន្លឹកកិច្ចការ ប្រកបដោយភាពជឿជាក់ និងស្មារតីទទួលខុសត្រូវខ្ពស់ ក្នុងនាមជាអ្នកច្បាប់ និងជាមន្ត្រីរាជការនាពេលអនាគត ដើម្បីរួមចំណែកលើកកម្ពស់យុត្តិធម៌ និងតម្លាភាពក្នុងសង្គមជាតិ ចាប់ផ្តើមពីជំហានដំបូងនៃការប្រឡងប្រជែងនេះ។ 📲 **[**អានព័ត៌មានលម្អិតនៅលើបណ្ដាញសង្គម**](https://www.facebook.com/share/p/1PusKc4LLL/)** 👉 តំណភ្ជាប់ទៅកាន់គេហទំព័រ និងបណ្តាញសង្គម 🌐 | **[**Website**](https://www.mcs.gov.kh/)[** 🌐 **](https://youtube.com/@MinistryofCivilService)**|**[** Facebook  🌐 **](https://web.facebook.com/CivilServiceCambodia)**|**[** Instagram    🌐 **](https://www.instagram.com/civilservice_cambodia?igsh=MWRrZWIwamh4ZW9uZA==)**|**[** Tiktok 🌐 **](https://www.tiktok.com/@mcsgovernment?)**|**[** Telegram  🌐 **](http://t.me/mcsgovkh)**|**[** YouTube**](https://youtube.com/@MinistryofCivilService)