柬埔寨环境部严打非法进口电子垃圾

លោក អ៊ាង សុផល្លែត រដ្ឋមន្ត្រីក្រសួងបរិស្ថាន បានឲ្យដឹងថាការនាំចូលសំណល់អាគុយ សំណល់បរិក្ខារអគ្គិសនី និងគ្រឿងអេឡិចត្រូនិកដែលច្បាប់កម្ពុជាហាមឃាត់ ត្រូវបានធ្វើទ្បើងក្រោមរូបភាពផ្តល់ជាអំណោយជូនអង្គការមនុស្សធម៌ និងក្រោមរូបភាពស្នើសុំវិនិយោគស្ល និងកែច្នៃវត្ថុធាតុដើមនាំចេញទៅក្រៅប្រទេស។   លោកបានបញ្ជាក់ថា គម្រោងវិនិយោគក្រោម៥លានដុល្លារមិនស្ថិតក្រោមការគ្រប់គ្រងរបស់ក្រសួងបរិស្ថានទេ។ រដ្ឋបាលរាជធានី ខេត្តគឺជាអ្នកសម្រេចអនុម័ត ហើយការវាយតម្លៃហេតុប៉ះពាល់បរិស្ថាន(EIA) គឺធ្វើត្រឹមមន្ទីរបរិស្ថានខេត្ត ដោយក្រសួងមិនបានដឹងនោះទេ។   លោក អ៊ាង សុផល្លែត បានបន្ថែមថា៖“ក្រុមហ៊ុនផ្សេងទៀតគាត់មិនសុំច្បាប់ទេ គាត់ធ្វើតែម្តង។ មានការត្រូវរ៉ូវគ្នាទៅ ការអនុញ្ញាតជាគោលការណ៍ទៅ មិនបាច់ធ្វើEIA មិនបាច់អីទេ គាត់ធ្វើតែម្តង ដូចជា រោងចក្រដែលកែច្នៃអាគុយឆេះថ្ងៃមុននេះ គឺទទួលបានការអនុញ្ញាតពីក្រសួងឧស្សាហកម្ម។ ក្រសួងបរិស្ថានអត់មានដឹងទេ។ ដល់ឆេះ ដល់ផ្ទុះទៅ បានយើងទៅមើលឃើញ ស្រាវជ្រាវទៅឃើញថា រោងចក្រហ្នឹងគាត់សុំធ្វើការស្ល និងកែច្នៃវត្ថុធាតុដើម។” ទស្សនាកិច្ចសម្ភាសផ្តាច់មុខនេះទាំងស្រុង **▶️ **https://www.youtube.com/watch?v=SM1CPOm595A&t=75s