柬埔寨移民局副局长及金边警察局副局长因涉嫌收受网诈团伙贿赂被捕

អគ្គនាយករងអគ្គនាយកដ្ឋានអន្តោប្រវេសន៍ម្នាក់ និងស្នងការរងនគបាលរាជធានីភ្នំពេញម្នាក់ ព្រមទាំងជនសង្ស័យ២នាក់ទៀត ត្រូវបានអង្គភាពប្រឆាំងអំពើពុករលួយ ចាប់ខ្លួន ហើយនឹងត្រូវបញ្ជូនទៅស្ថាប័នតុលាការ នៅរសៀលនេះ ពាក់ព័ន្ធនឹងករណីស៊ីសំណូកពីក្រុម Online Scams។ នេះបើតាមការបញ្ជាក់ឱ្យដឹងដោយអ្នកនាំពាក្យអង្គភាពប្រឆាំងអំពើពុករលួយ លោក សយ ច័ន្ទវិចិត្ត។ លោក សយ ច័ន្ទវិចិត្ត ប្រាប់កម្ពុជាថ្មី នៅថ្ងៃទី២២ ខែមេសានេះ ថា ឧត្តមសេនីយ៍ឯក អ៊ុក ហៃសីឡា អគ្គនាយករងអគ្គនាយកដ្ឋានអន្តោរប្រវេសន៍ និងឧត្តមសេនីយ៍ទោ សរ សំណាង ស្នងការរងនគបាលរាជធានីភ្នំពេញ ព្រមទាំងជនសង្ស័យ២នាក់ទៀត នឹងបញ្ជូនទៅតុលាការ នៅវេលារសៀលថ្ងៃនេះ បន្ទាប់ពីមន្ត្រីនគរបាល និងជនសង្ស័យទាំងនេះ ត្រូវបានចាប់ខ្លួនជាបន្តបន្ទាប់ ចាប់តាំងពីថ្ងៃទី១៩ ខែមេសា ឆ្នាំ២០២៦មក។ ចំពោះព័ត៌មានលម្អិតបន្ថែម លោក សយ ច័ន្ទវិចិត្ត ថា លោក នឹងជម្រាបជូននៅពេលក្រោយ៕ ដោយ៖ ធឿន វ៉ាន់សុង