柬埔寨政府拨款5300万美元 资助孕妇及婴幼儿营养

រាជរដ្ឋាភិបាលបញ្ចេញថវិកាជាង ៥៣លានដុល្លារ ជួយស្ត្រីមានផ្ទៃពោះ និងកុមារអាយុក្រោម ២ឆ្នាំ ដើម្បីលើកកម្ពស់សុខុមាលភាពមាតា និងទារក និងចូលរួមដោះស្រាយបញ្ហាកង្វះអាហារូបត្ថម្ភ បច្ចុប្បន្ន កម្មវិធីនេះគ្របដណ្តប់លើក្រុមគោលដៅ ៦ រួមមាន គ្រួសារមានបណ្ណសមធម៌ សមាជិក ប.ស.ស. មន្ត្រីរាជការស៊ីវិល និងមន្ត្រីកិច្ចសន្យា មន្ត្រីនគរបាល និងមន្ត្រីពន្ធនាគារ ជនជាប់ឃុំ និងកូនតាមម្តាយក្នុងពន្ធនាគារ ព្រមទាំងក្រុមប្រឹក្សារាជធានី ខេត្ត និងឃុំ សង្កាត់។ ចំនួនអ្នកទទួលផលបានកើនពី ១ ១០៦ ៦៣០នាក់ នៅចុងឆ្នាំ២០២៣ ដល់ ២ ២៥២ ២៦៧នាក់ គិតត្រឹមដំណាច់ឆមាសទី១ ឆ្នាំ២០២៦ កើនឡើង ១០៣,៥​%។ ការពង្រីកការគ្របដណ្តប់នេះ បង្ហាញពីការយកចិត្តទុកដាក់របស់រាជរដ្ឋាភិបាលលើការវិនិយោគធនធានមនុស្សចាប់ពីក្នុងផ្ទៃមាតា រហូតដល់អាយុ ២ឆ្នាំ ដែលជារយៈពេល ១ ០០០ថ្ងៃដំបូងនៃជីវិត ដើម្បីគាំទ្រការលូតលាស់របស់កុមារ។ កម្មវិធីនេះជាគោលនយោបាយអាទិភាពមួយក្នុងចំណោមកម្មវិធីគោលនយោបាយអាទិភាពទាំង៦ របស់រាជរដ្ឋាភិបាលនីតិកាលទី៧ នៃរដ្ឋសភា។ [**Join AMS One-minute**](https://t.me/ams1minute)