磅通省启动2026至2030年农业发展战略规划

លោកឧបនាយករដ្ឋមន្ត្រីប្រចាំការ វង្សី វិស្សុត រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានក្រុមការងារ​រាជរដ្ឋាភិបាលចុះមូលដ្ឋានខេត្តកំពង់ធំ កាលពីថ្ងៃទី១៥ ខែសីហា ឆ្នាំ២០២៦ បានអញ្ជើញជាអធិបតីបើក និងដឹក​នាំ​សិក្ខាសាលាពិគ្រោះយោបល់ស្តីពី​ផែនការយុទ្ធសាស្ត្រអភិវឌ្ឍន៍កសិកម្មខេត្តកំពង់ធំ ឆ្នាំ២០២៦-២០៣០។ ឧបនាយករដ្ឋមន្ត្រីប្រចាំការ វង្សី វិស្សុត បានថ្លែងថា សិក្ខាសាលាពិគ្រោះយោបល់នេះ គឺជាការគិតគូររួមគ្នារវាង​ក្រុមការងារចុះមូលដ្ឋានខេត្តកំពង់ធំ និងរដ្ឋបាលខេត្ត ព្រមទាំងគ្រប់តួអង្គពាក់ព័ន្ធ ដើម្បីរៀបចំជាត្រីវិស័យក្នុង​ការលើក​កម្ពស់សេដ្ឋកិច្ច និងជីវភាពរស់នៅរបស់ប្រជាជនខេត្តកំពង់ធំ។ ឧបនាយករដ្ឋមន្ត្រីប្រចាំការ វង្សី វិស្សុត បានសង្កត់ធ្ងន់ថា មិនត្រូវភ្លេចនូវគុណតម្លៃយុទ្ធសាស្រ្តរបស់រាជរដ្ឋាបាល គឺ** «ការយកប្រជាជនជាស្នូល» **ហើយម៉ែត្រវាស់សំខាន់ចុងក្រោយ គឺប្រជាជនបានចំណេញ កសិករធូរធារ និងមាន​មុខរបររឹង​មាំ ប្រាក់ចំណូលកើនឡើង មានសុខុមាលភាព កូនចៅពួកគាត់ទទួលបាន ការអប់រំ សុខាភិបាល និងមិន​ធ្លាក់ក្នុងបំណុលវ័ណ្ឌក។ https://fna.asia/f9c0b48 🔗[JOIN US](http://t.me/freshnewsasia)