柬埔寨卫生部强化母婴医疗质量 重点监测产前产后风险

កិច្ចប្រជុំស្តីពី វឌ្ឍនភាពការពិនិត្យមរណភាពមាតា និងទារក ​ជុំវិញ​កំណើត​ និង​ការ​ឆ្លើយតប (MPDSR)។ —— រាជធានីភ្នំពេញ៖ ថ្ងៃសុក្រ ទី១២ ខែមិថុនា ឆ្នាំ២០២៦ លោកជំទាវសាស្ត្រាចារ្យ អុឹម សិទ្ធិការ្យ រដ្ឋលេខាធិការក្រសួងសុខាភិបាល និងជាប្រធានគណៈកម្មការ MPDSR បានអញ្ជើញដឹកនាំកិច្ច​ប្រជុំ​ស្តីពី​ វឌ្ឍនភាព​ការងារ MPDSR។ គោលបំណងនៃកិច្ច​ប្រជុំនេះ បង្ហាញពីវឌ្ឍនភាព ការងារពិនិត្យមរណភាពមាតា និងទារក ​ជុំវិញ​កំណើត​ និង​ការ​ឆ្លើយតប និងរកឃើញនូវចំណុចដែលត្រូវកែលម្អគុណភាពសេវា និងអាចកាត់បន្ថយ​មរណភាព​​មាតា​ និងទារកជុំវិញ​កំណើត។ តាមបទបង្ហាញពីទិន្នន័យ ទទួល​បានពីតាមមូលដ្ឋាន​សុខាភិបាលទាំងថ្នាក់ជាតិ និងថ្នាក់​ក្រោមជាតិ បានបង្ហាញពីចំណុចដែលបានធ្វើល្អកន្លងមក និងបន្តពង្រឹងការងារ​យឺតយ៉ាវ​ទី១ ទី២ និងទី៣ ការឆ្លើយ​តប និង​រៀបចំធ្វើផែនការ ក្នុងការលើកកម្ពស់​គុណភាព និងសុវត្ថិភាព​ប្រសិទ្ធភាពខ្ពស់​។ ក្នុងនោះដែរ MPDSR និងរៀបចំអំពីការស្រាវជ្រាវការចម្លងរោគពីម្តាយទៅទារកនៅតាមមន្ទីរពេទ្យជាតិទាំង៨ (Vaginal Swap)។ លោកជំទាវសាស្រ្តាចារ្យរដ្ឋលេខាធិការ បានសំដែងអំណរគុណដល់ក្រុមការងារ MPDSR ថ្នាក់ជាតិទាំងអស់​ ដែលបានប្រឹងប្រែងទទួលខុសត្រូវខ្ពស់ក្នុងការប្រមូលករណីពីតាមខេត្តនីមួយៗ វិភាគករណីច្បាស់លាស់​​ យកកិច្ចការប្រជុំពិនិត្យករណីនីមួយៗ ជាវេទិការសិក្សារៀនសូត្រ ដែលមន្ទីរពេទ្យជាតិបានជួយផ្តល់បច្ចេកទេស​ដល់មន្ទីរពេទ្យសម្ព័ន្ធមេត្រី។ មន្ទីរពេទ្យដែលមានករណីកើតឡើងធ្វើផែនការកែលម្អ និងមន្ទីរពេទ្យជាតិបាន​បន្តតាមដានផែនការដើម្បីពិនិត្យមើល។ ឆ្លៀតក្នុងឱកាសនេះ លោកជំទាវសាស្រ្តាចារ្យ បានផ្តល់អនុសាសន៍ ក្រុមការងារ​ MPDSR ពង្រឹងការងារបន្ថែមទៀតដូជា (១)ការទំនាក់ទំនងក្រុមការងារគ្រូពេទ្យ ឆ្មប អ្នកដាក់ថ្នាំសណ្តំឱ្យបានល្អ (២)ពង្រឹងការងារដោយរៀបចំ ANC នៅមណ្ឌលសុខភាព មន្ទីរពេទ្យបង្អែកប្រកបដោយគុណភាព និងសុវត្ថិភាពសម្រាប់ស្រ្តី និងទារក (៣)ពង្រឹង​គុណភាពសេវាតាមរយៈកែលម្អភាព​​យឺតយ៉ាវទាំងបី​ (៤)មន្ទីរពេទ្យសម្ព័ន្ធមេត្រី ជួយសហការ និង ​សម្រ​ប​សម្រួល​ការ​ពង្រឹងសមត្ថភាពមន្ត្រីសុខាភិបាលទាំងអស់ដែលពាក់ព័ន្ធគ្រប់កម្រិត និងស្រាវជ្រាវ​រក​កត្តា​ហានិភ័យ​ក្នុងអំឡុងពេលមានផ្ទៃពោះ ពេលសម្រាល និងក្រោយសម្រាល​។ កិច្ចប្រជុំនេះ មានសមាសភាពចូលរួមសរុបចំនួន ២៤រូប។ **🌐** [Website](https://moh.gov.kh/kh/home) 📱 [Facebook](https://www.facebook.com/MinistryofHealthofCambodia?mibextid=ZbWKwL) 📱 [Telegram](https://t.me/MOHCambodia) 📱 [X (twitter)](https://x.com/MohCambodia) 📱 [Tiktok](https://www.tiktok.com/@mohcambodia) 📱 [YouTube](https://www.youtube.com/@MOHCambodia)