暹粒省斯外勒县将于9月12日至15日进行实弹射击演习，旨在检

**កងពលធំអន្តរាគមន៍លេខ២ នៃកងទ័ពជើងគោកជូនដំណឹងពីការបាញ់គ្រាប់ពិតពិនិត្យគុណភាពអាវុធ នៅស្រុកស្វាយលើ ខេត្តសៀមរាប ចាប់ពីថ្ងៃទី១២ ដល់ថ្ងៃទី១៥ ខែកញ្ញា** **ខេត្តសៀមរាប៖ កងពលធំអន្តរាគមន៍លេខ២ នៃកងទ័ពជើងគោក បានចេញលិខិតជូនដំណឹងជាផ្លូវការស្តីពីការរៀបចំដំណើរការបាញ់គ្រាប់ពិត ដើម្បីពិនិត្យគុណភាពអាវុធ ដែលនឹងប្រព្រឹត្តទៅចាប់ពីថ្ងៃទី១២ ដល់ថ្ងៃទី១៥ ខែកញ្ញា ឆ្នាំ២០២៦ ខាងមុខនេះ។** **យោងតាមលិខិតជូនដំណឹង ទីតាំងនៃប្រតិបត្តិការបាញ់គ្រាប់ពិតនេះ គឺស្ថិតនៅក្នុងភូមិសាស្ត្រភ្នំខ្សង ភូមិរលំរឿង ឃុំកន្តួត ស្រុកស្វាយលើ ខេត្តសៀមរាប។** **ដើម្បីធានានូវសន្តិសុខ និងសុវត្ថិភាពទូទៅជូនដល់ប្រជាពលរដ្ឋ កងពលធំអន្តរាគមន៍លេខ២ បានស្នើសុំកិច្ចសហការពីលោកអភិបាលនៃគណៈអភិបាលស្រុកត្រពាំងប្រាសាទ និងអាជ្ញាធរដែនដីពាក់ព័ន្ធ ជួយផ្សព្វផ្សាយដំណឹងនេះឱ្យបានទូលំទូលាយដល់បងប្អូនប្រជាពលរដ្ឋនៅក្នុងមូលដ្ឋាន។** **ជាមួយគ្នានេះដែរ អាជ្ញាធរបានអំពាវនាវ និងហាមឃាត់ដាច់ខាតមិនឱ្យប្រជាពលរដ្ឋចូលទៅកាន់ទីតាំងបាញ់គ្រាប់ពិតខាងលើជាដាច់ខាត ក្នុងអំឡុងពេលប្រព្រឹត្តទៅ ដើម្បីជៀសវាងនូវគ្រោះថ្នាក់ ឬបញ្ហាកើតឡើងជាយថាហេតុ៕**