商务部部长主持会议 推进贸易法规与WTO合规进程

លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម អញ្ជើញជាអធិបតីដឹកនាំកិច្ចប្រជុំពិនិត្យវឌ្ឍនភាពនៃការរៀបចំលិខិតបទដ្ឋានគតិយុត្តវិស័យពាណិជ្ជកម្ម និងការអនុវត្តកាតព្វកិច្ចរបស់កម្ពុជាក្រោមក្របខ័ណ្ឌអង្គការពាណិជ្ជកម្មពិភពលោក ... (ភ្នំពេញ)៖ នារសៀលថ្ងៃសុក្រ ទី១៤ ខែសីហា ឆ្នាំ២០២៦ នៅទីស្តីការក្រសួងពាណិជ្ជកម្ម លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានអញ្ជើញជាអធិបតីដឹកនាំកិច្ចប្រជុំពិនិត្យវឌ្ឍនភាពនៃការរៀបចំលិខិតបទដ្ឋានគតិយុត្តវិស័យពាណិជ្ជកម្ម និងការអនុវត្តកាតព្វកិច្ចរបស់កម្ពុជាក្រោមក្របខ័ណ្ឌអង្គការពាណិជ្ជកម្មពិភពលោក ដោយមានការអញ្ជើញចូលរួមពី ឯកឧត្តមរដ្ឋលេខាធិការ លោកជំទាវអនុរដ្ឋលេខាធិការ ឯកឧត្តមអគ្គនាយក ប្រធាននាយកដ្ឋាន ព្រមទាំងមន្ត្រីជំនាញផងដែរ។ កិច្ចប្រជុំនេះ រៀបចំឡើងក្នុងគោលបំណងដើម្បីពិនិត្យលើវឌ្ឍនភាពការងារនៃការរៀបចំច្បាប់ និងលិខិតបទដ្ឋានគតិយុត្តវិស័យពាណិជ្ជកម្ម ព្រមទាំងតាមដានវឌ្ឍនភាពនៃការអនុវត្តកាតព្វកិច្ចរបស់កម្ពុជា នៅពេលចូលជាសមាជិកអង្គការពាណិជ្ជកម្មពិភពលោកកាលពីឆ្នាំ២០០៤ សំដៅធានាបាននូវបរិយាកាសធុរកិច្ចប្រកួតប្រជែង ការពារផលប្រយោជន៍សេដ្ឋកិច្ចជាតិ ស្របតាមឧត្តមានុវត្តន៍អន្តរជាតិ និងបំពេញតាមកាតព្វកិច្ចរបស់កម្ពុជាក្រោមកិច្ចព្រមព្រៀងពាណិជ្ជកម្មដែលកម្ពុជាជាសមាជិក និងក្របខណ្ឌអង្គការពាណិជ្ជកម្មពិភពលោក។ … ភ្ជាប់មកកាន់ក្រសួងពាណិជ្ជកម្ម តាមតំណភ្ជាប់ខាងក្រោម៖ Connect with Ministry of Commerce: 🌐 Facebook 🌐 Telegram 🌐 Website 🌐 YouTube 🌐 X (Twitter)