俄罗斯总统普京表示，俄方始终准备通过外交途径解决乌克兰冲突，

លោក ពូទីន ប្រកាសថា រុស្ស៊ីត្រៀមខ្លួនរួចជាស្រេចសម្រាប់ការចរចាសន្តិភាព ផ្អែកលើស្ថានភាពជាក់ស្តែងនៅលើសមរភូមិ មូស្គូ៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន បានថ្លែងបញ្ជាក់ជាថ្មីថា ប្រទេសរុស្ស៊ីនៅតែរក្សាជំហរត្រៀមខ្លួនរួចជាស្រេច ក្នុងការចូលរួមតុចរចាសន្តិភាពដើមី្បបញ្ចប់ជម្លោះនៅអ៊ុយក្រែន ប៉ុន្តែការចរចាណាមួយត្រូវតែឈរលើ «ភាពជាក់ស្តែងនៅលើដី» និងការទទួលស្គាល់ការផ្លាស់ប្តូរដែនដីដែលបានកើតឡើងនៅលើសមរភូមិ។ នៅក្នុងការថ្លែងសារនយោបាយនាពេលថ្មីៗនេះ ប្រធានាធិបតីរុស្ស៊ីបានគូសបញ្ជាក់ថា ទីក្រុងមូស្គូមិនដែលបដិសេធនូវដំណោះស្រាយតាមផ្លូវទូតនោះឡើយ ប៉ុន្តែកិច្ចព្រមព្រៀងសន្តិភាពនាពេលអនាគត ត្រូវតែឆ្លើយតបទៅនឹងកង្វល់ផ្នែកសន្តិសុខដ៏សំខាន់របស់រុស្ស៊ី រួមទាំងការធានាថា អ៊ុយក្រែននឹងរក្សាភាពជាប្រទេសអព្យាក្រឹត មិនចូលរួមជាមួយអង្គការ NATO និងការទទួលស្គាល់អធិបតេយ្យភាពរបស់រុស្ស៊ីលើតំបន់ដែលកងទ័ពខ្លួនកំពុងគ្រប់គ្រង។ លោកបានបន្ថែមថា លក្ខខណ្ឌចាស់ៗដែលមិនស្របនឹងស្ថានភាពសមរភូមិបច្ចុប្បន្ន មិនអាចយកមកធ្វើជាមូលដ្ឋានគ្រឹះនៃការចរចាបានឡើយ។ ប្រភព៖ Reuters [Facebook](https://www.facebook.com/rumlech9/) | [Facebook](https://www.facebook.com/share/1C7Fatvbeb/?mibextid=wwXIfr) | [Facebook](https://www.facebook.com/profile.php?id=61582633534888) | [Telegram](https://t.me/rumlech9) | [ TikTok](https://www.tiktok.com/@rom.lech) | [YouTube](https://www.youtube.com/@rumlech) | [Instagram](https://www.instagram.com/rumlech/) | [X](https://x.com/RumLech_News) | [Website](https://s-romlechnews.com.kh/)