布拉索昆与泰外长纽约会晤 重申履行海上争议区联合声明

លោក ប្រាក់ សុខុន ឧបនាយករដ្ឋមន្ដ្រី រដ្ឋមន្ដ្រីក្រសួងការបរទេសកម្ពុជា បានគូសបញ្ជាក់ឡើងវិញទៅកាន់លោក សីហៈសក្ដិ ភួងកេតកែវ ឧបនាយករដ្ឋមន្ដ្រី រដ្ឋមន្ដ្រីការបរទេសថៃ ពីជំហររបស់កម្ពុជាទាក់ទងនឹងការសម្រេចផ្ដើមប្រើប្រាស់យន្ដការផ្សះផ្សាដោយបង្ខំ ក្រោមអនុសញ្ញាអង្គការសហប្រជាជាតិស្ដីពីនីតិសមុទ្រ(UNCLOS)។ ការបញ្ជាក់នេះធ្វើឡើងកាលពីថ្ងៃទី២៦ ខែឧសភា ឆ្នាំ២០២៦ នាឱកាសទៅចូលរួមកិច្ចប្រជុំរបស់ក្រុមប្រឹក្សាសន្ដិសុខអង្គការសហប្រជាជាតិនៅទីក្រុងញូវយ៉ក សហរដ្ឋអាមេរិក។ ជាមួយគ្នា ក្នុងនាមប្រមុខការទូតកម្ពុជា លោក ប្រាក់ សុខុន បានស្នើឱ្យមានការអនុវត្ដឱ្យបានពេញលេញ និងមានប្រសិទ្ធភាព ដោយស្មោះត្រង់ និងដោយសុឆន្ទៈ នូវសេចក្ដីប្រកាសរួមចុះថ្ងៃទី២៧ ខែធ្នូ ឆ្នាំ២០២៥ លើខ្លឹមសារទាំងមូល។ រដ្ឋមន្ដ្រីទាំងពីរក៏បានផ្លាស់ប្ដូរទស្សនៈដោយត្រង់ និងបើកចំហ អំពីស្ថានភាពព្រំដែនរវាងប្រទេសទាំងពីរ។ នេះបើតាមសេចក្ដីប្រកាសព័ត៌មានរបស់ក្រសួងការបរទេសកម្ពុជា ចេញផ្សាយនៅយប់ថ្ងៃទី២៧ ខែឧសភា ឆ្នាំ២០២៦៕ ============= [** 👉Faceboo**](https://www.facebook.com/vayofm)[**k 👉Telegram **](https://t.me/vayofm)[** **](https://www.youtube.com/@vayofm105)[**👉TikTok**](https://www.tiktok.com/@vayofmradio?_t=8qP0w6MsZfe&_r=1)[** 👉YouTube**](https://www.youtube.com/@vayofm105)** **[**👉IOS**](https://apps.apple.com/us/app/vayo-fm-radio/id993070474)[** 👉Android**](https://play.google.com/store/apps/details?id=com.vayofm.bunsorng.vayoapp)