柬埔寨商务部协助3家本土企业参加在首尔举办的“2026年东盟

(សេអ៊ូល, កូរ៉េ)៖ នាព្រឹកថ្ងៃអង្គារ ទី២០ ខែតុលា ឆ្នាំ២០២៦ នៅមជ្ឈមណ្ឌល Ondream Society តំបន់ Myeongdong ទីក្រុងសេអ៊ូល សាធារណរដ្ឋកូរ៉េ លោកស្រី នួន ផានិត អនុព័ន្ធពាណិជ្ជកម្ម អមស្ថានឯកអគ្គរាជទូតកម្ពុជាប្រចាំសាធារណរដ្ឋកូរ៉េ បានសម្របសម្រួលក្រុមហ៊ុនកម្ពុជាចំនួន ៣ ចូលរួមក្នុងពិធីបើកកម្មវិធី «ASEAN-Korea Startup Week 2026»ដែលប្រព្រឹត្តទៅចាប់ពីថ្ងៃទី២០ ដល់ថ្ងៃទី២៣ ខែតុលា ឆ្នាំ២០២៦។ កម្មវិធីប្រចាំឆ្នាំនេះ ត្រូវបានរៀបចំឡើងដោយមជ្ឈមណ្ឌលអាស៊ាន-កូរ៉េ (ASEAN-Korea Centre-AKC) ក្នុងគោលបំណងជំរុញកិច្ចសហប្រតិបត្តិការផ្នែកធុរកិច្ច នវានុវត្តន៍ និងការវិនិយោគរវាងបណ្តាប្រទេសសមាជិកអាស៊ាន និងសាធារណរដ្ឋកូរ៉េ ដោយមានការចូលរួមពី ឯកអគ្គរាជទូត/ឯកអគ្គរដ្ឋទូត និងអនុព័ន្ធពាណិជ្ជកម្មនៃបណ្តាប្រទេសសមាជិកអាស៊ាន ព្រមទាំងតំណាងក្រុមហ៊ុនដែលជាវាគ្មិន និងស្ថាប័នពាក់ព័ន្ធជាច្រើនទៀត។ សូមជម្រាបជូនថា ក្នុងព្រឹត្តិការណ៍នេះ មានក្រុមហ៊ុន Startups ចំនួន ៣០ ដែលត្រូវបានជ្រើសរើសមកពីប្រទេសសមាជិកអាស៊ានទាំង ១០ បានចូលរួមបង្ហាញសក្តានុពលអាជីវកម្ម និងស្វែងរកឱកាសពង្រីកទីផ្សារ ដោយក្នុងចំណោមនោះ កម្ពុជាក៏មានក្រុមហ៊ុនចំនួន ៣ ចូលរួមផងដែរ រួមមាន៖ ១- ក្រុមហ៊ុន Wild Honey Organic Cambodia, ២- ក្រុមហ៊ុន Konekt Agri Co., Ltd និង៣- ក្រុមហ៊ុន Sudrain Co., Ltd។ បន្ថែមពីនេះ កម្មវិធីក៏មានការរៀបចំដំណើរទស្សនកិច្ចសិក្សាពីទីក្រុងសេអ៊ូល ទៅកាន់ទីក្រុងដែហ្គូ (Daegu) ដើម្បីផ្តល់ឱកាសដល់អ្នកចូលរួមស្វែងយល់អំពីប្រព័ន្ធអេកូឡូស៊ីធុរកិច្ច និងនវានុវត្តន៍របស់សាធារណរដ្ឋកូរ៉េ ព្រមទាំងពង្រីកបណ្តាញទំនាក់ទំនងជាមួយដៃគូពាក់ព័ន្ធ ផងដែរ៕ … ភ្ជាប់មកកាន់ក្រសួងពាណិជ្ជកម្ម តាមតំណភ្ជាប់ខាងក្រោម៖ Connect with Ministry of Commerce: 🌐 [Facebook ](https://web.facebook.com/moc.gov.kh) 🌐 [Telegram](https://t.me/mocnewsfeed) 🌐 [Website](https://www.moc.gov.kh/) 🌐 [YouTube](https://www.youtube.com/@mocgovkhcambodia) 🌐 [X (Twitter](https://twitter.com/MoCCambodia))