仙女机构在暹粒举办为期2天的培训班，旨在提升旅游从业人员对吴

[来源: 柬埔寨国家电视台] [分类提示: NEWS] 标题: មន្ត្រី និងភ្នាក់ងារទេសចរណ៍ ទទួលបានការបណ្តុះបណ្តាលស្តីពី «ការបង្កើនចំណេះដឹងលើតម្លៃអង្គរ និងកិច្ចការអភិរក្ស» ខេត្តសៀមរាប ៖ ដើម្បីពង្រឹងសមត្ថភាពការអប់រំបេតិកភណ្ឌដល់មន្ត្រី និងភ្នាក់ងារទេសចរណ៍អាជ្ញាធរជាតិអប្សរា បើកវគ្គបណ្តុះបណ្តាលស្តីពី «ការបង្កើនចំណេះដឹងលើតម្លៃអង្គរ និងកិច្ចការអភិរក្ស» រយៈពេល ២ថ្ងៃ។ វគ្គបណ្តុះបណ្តាលនេះ មានគោលបំណងចម្បងក្នុងការផ្ទេរចំណេះដឹង និងអប់រំស៊ីជម្រៅ អំពីប្រវត្តិសាស្ត្រ អារ្យធម៌ សិលាចារឹក តម្លៃអក្សរសាស្ត្រខ្មែរ បេតិកភណ្ឌអរូបី ព្រមទាំងជំនឿ និងពិធីបុរាណផ្សេងៗរបស់ប្រជាជននៅតំបន់អង្គរ។ ការអប់រំបំប៉ននេះ នឹងជួយឱ្យភ្នាក់ងារទេសចរណ៍ដែលបំពេញការងារផ្ទាល់នៅតាមប្រាសាទបុរាណ មានមូលដ្ឋានចំណេះដឹងច្បាស់លាស់ ក្នុងការចែករំលែក និងបកស្រាយព័ត៌មានប្រកបដោយប្រភពច្បាស់លាស់ជូនដល់សាធារណជន និងទេសចរ។ លោក អ៊ឹម សុខរិទ្ធី ប្រធាននាយកដ្ឋានស្រាវជ្រាវ បណ្តុះបណ្តាល និងផ្សព្វផ្សាយ បានបញ្ជាក់ថា វគ្គបណ្តុះបណ្តាលនេះ គឺជាស្ពានតភ្ជាប់រវាងអតីតកាលដ៏រុងរឿងនៃអង្គរមក មន្ត្រី-បុគ្គលិកដែលជាអ្នកស្រុកអង្គរ ហើយកំពុងបម្រើការនៅអង្គរ ក្នុងការស្វែងយល់បន្ថែម និងបង្កើនចំណេះដឹងអំពីប្រវត្តិដូនតារបស់ខ្លួន។ លោកបានបន្ថែមថា ការអប់រំពង្រឹងជំនាញជាប្រចាំនេះ នឹងធ្វើឱ្យភ្នាក់ងារទេសចរណ៍ទាំងអស់ ក្លាយជា «អ្នកអប់រំបេតិកភណ្ឌ» និងជាប្រតិបត្តិករដែលមានការទទួលខុសត្រូវខ្ពស់ក្នុងការគ្រប់គ្រង អភិរក្ស និងអភិវឌ្ឍរមណីយដ្ឋានអង្គរប្រកបដោយប្រសិទ្ធភាព និងចីរភាព។ នៅក្នុងវគ្គបណ្តុះបណ្តាលរយៈពេល ២ថ្ងៃនេះ អ្នកជំនាញ និងវាគ្មិនកិត្តិយសចំនួន ៤រូប បានធ្វើបទបង្ហាញអប់រំយ៉ាងស៊ីជម្រៅលើប្រធានបទសំខាន់ៗ រួមមាន៖ . ការសិក្សាអំពីប្រវត្តិសាស្ត្រ និងរចនាសម្ព័ន្ធទីក្រុងបុរាណ៖ ការអប់រំអំពីភូមិសាស្ត្រ ប្រព័ន្ធសុខាភិបាល/មន្ទីរព្យាបាល ប្រព័ន្ធអប់រំ និងការរៀបចំដែនដ