劳工部部长向磅湛省学生提供TVET技术培训奖学金

[来源: 柬埔寨国家电视台] [分类提示: NEWS] 标题: ឯកឧត្តម ហេង សួរ អបអរសាទរ និងផ្ដល់អាហារូបករណ៍នៅសាលា TVET ដល់សិស្សប្រឡងបាក់ឌុបក្នុងស្រុកកំពង់សៀម ខេត្តកំពង់ចាម (កំពង់ចាម)៖ ឯកឧត្តម ហេង សួរ រដ្ឋមន្ត្រីក្រសួងការងារនិងបណ្ដុះបណ្ដាលវិជ្ជាជីវៈ និងជាប្រធានក្រុមការងាររាជរដ្ឋាភិ បាលចុះមូលដ្ឋានស្រុកកំពង់សៀម ខេត្តកំពង់ចាម បានអញ្ជើញសំណេះសំណាលជាមួយសិស្សានុសិស្សដែលបានប្រឡងមធ្យមសិក្សាទុតិយភូមិឆ្នាំសិក្សា២០២៥-២០២៦ ជាង ៦០០នាក់ និងអាណាព្យាបាលក្នុងស្រុកកំពង់សៀម នាព្រឹកថ្ងៃទី១៥ ខែកញ្ញា ឆ្នាំ២០២៦ នៅមជ្ឈមណ្ឌលសន្តិភាពដោយឯកឧត្តមបានប្រកាសផ្ដល់អាហារូបករណ៍ដល់សិស្សទាំងអស់ឱ្យសិក្សានៅគ្រឹះស្ថានអប់រំបណ្ដុះបណ្ដាលបច្ចេកទេស និងវិជ្ជាជីវៈនៃក្រសួងការងារ។ ថ្លែងទៅកាន់អ្នកចូលរួមជាង ១ ០០០នាក់ ឯកឧត្តមរដ្ឋមន្រ្តីបានអបអរសាទរដល់សិស្សជ័យលាភីទាំងអស់ ដោយឯកឧត្តមកត់សម្គាល់ថា ការប្រឡងបាក់ឌុបនៅស្រុកកំពង់សៀមមានលទ្ធផលកាន់តែល្អប្រសើរ។ សម្រាប់ឆ្នាំ២០២៦ មានអត្រាជាប់កើនឡើងដល់ ៥១៨នាក់ រួមមាន និទ្ទេស A ចំនួន ៨នាក់ (ស្រី ៦នាក់) និទ្ទេស B ចំនួន ២៣នាក់ និទ្ទេស C ចំនួន ១០៥នាក់ និទ្ទេស D ចំនួន ១៨០នាក់ និងនិទ្ទេស E ចំនួន ២០២នាក់។ ឯកឧត្តមបានគូសបញ្ជាក់ពីកត្តាធំៗនៃជោគជ័យនេះ ដែលសំខាន់បំផុតគឺកត្តាសិស្សផ្ទាល់ អាណាព្យាបាល និងលោកគ្រូអ្នកគ្រូ ដែលក្មួយៗត្រូវដឹងគុណ ដោយចាត់ទុក “លោកគ្រូ អ្នកគ្រូ ជាអ្នកមានគុណទី២” ដូចដែលសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីចាត់ទុកថា “គ្រូគឺជាសេដ្ឋីនៃកិត្តិយស”។ ទន្ទឹមនេះ កត្តាសន្តិភាព ស្ថិរភាពសង្គម និងការអភិវឌ្ឍ ក៏រួមចំណែកដ៏សំខាន់ដល់លទ្ធផលនេះផងដែរ។ ជាក់ស្តែង រាជរដ្ឋាភិបាលបច្ចុប្បន្ន បានដាក់ចេញយុទ្ធ សាស្ត្របញ្ចកោណ ដំណាក់កាលទី១ ដែលកំណត់កម្មវិធីនយោបាយគ្រប់ជ្រុងជ្រោយ ពហុវិស័យ និងប្រទាក់ក្រឡាគ្នា ជាពិសេសការអភិវឌ្ឍ “មូលធនមនុស្ស”។  ឯកឧត្តមបានលើកទឹកចិត្តក្មួយៗប្រឡងធ្