柬埔寨司法部官员出席研讨会，强调与美方在打击海上违规行为及履

ឯកឧត្តម កេង សុម៉ារិទ្ធ រដ្ឋលេខាធិការក្រសួងយុត្តិធម៌ សិក្ខាសាលាស្តីពីការអនុវត្តកាតព្វកិច្ច និងឧត្តមានុវត្តន៍នៃការប្រឆាំងការបំពានទណ្ឌកម្មរបស់អង្គការសហប្រជាជាតិនៅក្នុងដែនសមុទ្រ ===================== នារសៀលថ្ងៃអង្គារ ១២កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៥ ខែសីហា ឆ្នាំ២០២៦ នៅសណ្ឋាគារ Rosewood ដោយទទួលបានការអនុញ្ញាតដ៏ខ្ពង់ខ្ពស់ ពីឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌, ឯកឧត្តម កេង សុម៉ារិទ្ធ បានអញ្ជើញចូលរួមធ្វើជាវាគ្មិនកិត្តិយសនៅក្នុងសិក្ខាសាលាស្តីពីការអនុវត្តកាតព្វកិច្ច និងឧត្តមានុវត្តន៍នៃការប្រឆាំងការបំពានទណ្ឌកម្មរបស់អង្គការសហប្រជាជាតិនៅក្នុងដែនសមុទ្រ។ សិក្ខាសាលានេះ ត្រូវបានរៀបចំឡើងដោយក្រសួងការបរទេសសហរដ្ឋអាមេរិក ដោយសហការជាមួយនឹងស្ថានទូតសហរដ្ឋអាមេរិកប្រចាំនៅកម្ពុជា និងអង្គការ CRDF Global ដោយសិក្ខាសាលានេះ ឯកឧត្តម កេង សុម៉ារិទ្ធ បានចែករំលែកនូវបទពិសោធន៍ និងឧត្តមានុវត្តន៍របស់កម្ពុជានៅក្នុងការបង្ក្រាបនាវាដឹកធ្យូងថ្មខុសច្បាប់ដោយបានបំពានទណ្ឌកម្មអង្គការសហប្រជាជាតិដែលបានដាក់ចំពោះសាធារណរដ្ឋប្រជាមានិតកូរ៉េ តាមរយៈសេចក្តីសម្រេចចិត្តរបស់ក្រុមប្រឹក្សាសន្តិសុខអង្គការសហប្រជាជាតិ។ គូសបញ្ជាក់ផងដែរថា ក្រោមកិច្ចសហប្រតិបត្តិការដ៏ល្អរវាងសហរដ្ឋអាមេរិក តាមរយៈស្ថានទូតអាមេរិកប្រចាំនៅកម្ពុជា និងភ្នាក់ងារ FBI ជាមួយនឹងក្រសួងយុត្តិធម៌នៃព្រះរាជាណាចក្រកម្ពុជា និងអាជ្ញាធរមានសមត្ថកិច្ច, យើងបានរួមគ្នាបង្ក្រាបនូវនាវាខុសច្បាប់ដែលបានធ្វើសកម្មភាពបំពាននឹងទណ្ឌកម្មរបស់អង្គសហប្រជាជាតិបានសរុបចំនួន ៤ ករណី។ ជោគជ័យនៃប្រតិបត្តិការកន្លងមកនេះ ត្រូវបានទទួលការកោតសរសើរ និងវាយតម្លៃខ្ពស់ ដោយផ្ទាល់ពីសេតវិមាននៃសហរដ្ឋអាមេរិក ចំពោះក្រសួងយុត្តិធម៌កម្ពុជាដែលបានផ្តល់កិច្ចសហប្រតិបត្តិការប្រកបដោយប្រសិទ្ធភាព និងទទួលបានជោគជ័យនៅក្នុងការប្រឆាំងការបំពានទណ្ឌកម្មរបស់អង្គការសហប្រជាជាតិនៅក្នុងដែនសមុទ្រនាពេលកន្លងមក។