一艘从印尼巴厘岛出发的渡轮发生严重火灾，造成至少1人死亡，1

ឥណ្ឌូណេស៊ី មានមនុស្ស ១ នាក់ស្លាប់ និង ១៧២ នាក់ត្រូវរំដោះបានដោយសុវត្ថិភាព ក្នុងហេតុការណ៍ឆេះនាវាស្រឡាង ចេញពីកោះបាលី ចាកាតា៖ មនុស្សយ៉ាងហោចណាស់ ១ នាក់បានបាត់បង់ជីវិត និង ១៧២ នាក់ផ្សេងទៀតត្រូវបានជួយសង្គ្រោះឱ្យរួចផុតពីគ្រោះថ្នាក់ ដោយសុវត្ថិភាព បន្ទាប់ពីនាវាស្រឡាងដឹកអ្នកដំណើរមួយគ្រឿងបានជួបគ្រោះអគ្គិភ័យឆាបឆេះយ៉ាងសន្ធោសន្ធៅ នៅពេលកំពុងធ្វើដំណើរចាកចេញពីកោះបាលី (Bali) ប្រទេសឥណ្ឌូណេស៊ី។ អាជ្ញាធរសង្គ្រោះបន្ទាន់ និងកងកម្លាំងការពារឆ្នេរឥណ្ឌូណេស៊ី បានប្រញាប់ប្រញាល់ចុះអន្តរាគមន៍ជាបន្ទាន់ ដោយបានបញ្ជូនទូកសង្គ្រោះ និងកប៉ាល់ល្បាតទៅកាន់ទីតាំងកើតហេតុ ដើមី្បដឹកជញ្ជូនអ្នកដំណើរ និងក្រុមនាវិកចេញពីនាវាដែលកំពុងឆាបឆេះនោះ។ ប្រតិបត្តិការរំដោះមនុស្សយ៉ាងប្រញាប់ប្រញាល់នេះ អាចជួយសង្គ្រោះជីវិតអ្នកធ្វើដំណើរស្ទើរតែទាំងអស់នៅលើនាវាបានទាន់ពេលវេលា។ បច្ចុប្បន្ន អាជ្ញាធរមានសមត្ថកិច្ចឥណ្ឌូណេស៊ីបានបើកការស៊ើបអង្កេតជាផ្លូវការ ដើម្បីស្វែងរកមូលហេតុពិតប្រាកដដែលបង្កឱ្យមានគ្រោះអគ្គិភ័យនេះ ខណៈដែលអ្នករងរបួសមួយចំនួនត្រូវបានបញ្ជូនទៅទទួលការព្យាបាលនៅមន្ទីរពេទ្យក្នុងតំបន់រួចរាល់ហើយ៕ ប្រភព៖ Reuters [Facebook](https://www.facebook.com/rumlech9/) | [Facebook](https://www.facebook.com/share/1C7Fatvbeb/?mibextid=wwXIfr) | [Facebook](https://www.facebook.com/profile.php?id=61582633534888) | [Telegram](https://t.me/rumlech9) | [ TikTok](https://www.tiktok.com/@rom.lech) | [YouTube](https://www.youtube.com/@rumlech)