金边国土部解决48个烂尾楼盘 惠及超1万户家庭

លោក សារិន វណ្ណា៖ ក្រសួងដែនដី ដោះស្រាយបញ្ហាបុរីក្ស័យធន ៤៨គម្រោង និងជំរុញសេវាអនឡាញ លោក សារិន វណ្ណា ប្រធានមន្ទីររៀបចំដែនដី នគរូបនីយកម្ម និងសំណង់ រាជធានីភ្នំពេញ បានលើកឡើងថា ក្នុងការអនុវត្ត យុទ្ធសាស្ត្របញ្ចកោណ ដំណាក់កាលទី១ នៃអាណត្តិទី៧ ក្រសួងរៀបចំដែនដី នគរូបនីយកម្ម និងសំណង់ សម្រេចបានលទ្ធផលសំខាន់ៗជាច្រើន។ ក្នុងនោះ មន្ទីររៀបចំដែនដី នគរូបនីយកម្ម និងសំណង់ រាជធានីភ្នំពេញ បានដោះស្រាយបញ្ចប់បញ្ហាបុរី និងដីឡូត៍ដែលក្ស័យធនចំនួន ៤៨គម្រោង ជួយប្រជាពលរដ្ឋជាង ១ម៉ឺនគ្រួសារ។ ជាមួយគ្នានេះ ក្រសួងក៏បានដោះស្រាយវិវាទអន្តរគមន៍ចំនួន ៦៧៨ករណី។ លើសពីនេះ ការចុះបញ្ជីដីធ្លីមានលក្ខណៈជាប្រព័ន្ធ និងការចែកបណ្ណកម្មសិទ្ធិ ក៏សម្រេចបានវឌ្ឍនភាពគួរឱ្យកត់សម្គាល់ ដោយនៅខេត្តកំពង់ស្ពឺ បានចេញបណ្ណកម្មសិទ្ធិជាង ២៧ម៉ឺនក្បាលដី និងនៅខេត្តរតនគិរី ជាង ៣ម៉ឺនក្បាលដី។ លោក សារិន វណ្ណា បានបន្ថែមថា ក្រសួងក៏បានបញ្ចប់ការរៀបចំសេវាអនឡាញលើវិស័យដីធ្លី និងសំណង់ ដើម្បីបង្កើនប្រសិទ្ធភាព តម្លាភាព និងភាពងាយស្រួលក្នុងការផ្តល់សេវាសាធារណៈជូនប្រជាពលរដ្ឋ៕